Reja: Kirish. I-bob. Deviant xulqni olimlar tomonidan o’rganilishi va deviant xulqni o’smirlarda shaxs xususiyatida shakllanishi

Kurs ishi metodlari:

1. 
   Nazariy metodlar- kurs ishi muammosiga doir pedagogik va psixologik adabiyotlarning qiyosiy-tarixiy tahlili.
   
2. 
   Empirik metodlar-kuzatish, suhbat, so`rovnoma, test, hujjatlarni tahliliy o`rganish, avtobiografiya.
   
3. 
   Matematik-statistik metodlar-kurs ishi natijalarining miqdor va sifat tahlili, o`rtacha arifmetik qiymatni, standart og’ishlar va korrelyatsion bog’lanishlarni aniqlash metodlari.
   

Himoyaga olib chiqilayotgan holatlar:

1. 
   O’smir shaxsidagi deviant xulqqa moyillik ularning yoshga xos xususiyatlari, tarbiyasidagi “qiyinlik”, o’tish davriga xoslik bilan bog`liq.
   
2. 
   O’smirlik davrida deviantlikka moyillikni shakllanishiga ham biologik, ham ijtimoiy omillar ta`sir etadi, biroq ijtimoiy omil har doim yetakchilik qiladi.
   
3. 
   O’smirning o’ziga, atrofdagilarga, voqea-hodisalarga munosabati, dunyoqarashi, irodaviy sifatlari, hissiy holatlari - xavotirlanish, hissiy zo’riqish va boshqa kechinmalari unda turli antiijtimoiy ehtiyojlarning vujudga kelishiga ta`sir ko’rsatadi.
   
4. 
   O’smir shaxsidagi mavjud ehtiyojlar va ularni qondirish imkoniyatining cheklanganligi o’rtasida qarama-qarshilik ularda deviantlikka moyillikni vujudga keltiradi.
   
5. 
   O’smirlik davrida shakllangan tajovuzkorlik sifatlari, xarakter aktsentuatsiyasi tipi va barqaror shaxs xususiyatlari ta`sirida o’zini o’zi tasdiqlash, o’z imkoniyatlarini namoyon etish ehtiyojlari ham ularni qonunqoidalarni buzish harakatini sodir etishga undaydi.
   

Kurs ishininig nazariy yangiligi:
Kurs ishininig nazariy yangiligi quyidagilarda o’z aksini topgan:

• 
  inson hayotining eng muhim davrlaridan, shu bilan atrofdagilar uchun eng murakkab bo’lgan o’smirlik davrining psixologik xususiyatlari haqidagi turli nazariyalar, yondashuvlar tahlili keltirilgan, mazkur davr uchun xos bo’lgan vaziyatli va barqaror xususiyatlar mexanizmlari izohlangan;
  
• 
  har qanday submadaniyatda mavjud bo’lgan shaxsning og`ishgan xulq-atvori va uning tabiati to’g`risidagi nazariy ma`lumotlari tahliliy o’rganib chiqilgan;
  
• 
  deviantlikni keltirib chiqaruvchi omillar tasnifi keltirilgan, o’smirlik davridagi deviantlikning motivatsiyasi aniqlangan;
  
• 
  deviant xulq-atvor va shaxsning boshqa xususiyatlari o’rtasidagi o’zaro aloqadorlik masalasi ko’rib chiqilgan.