Режа: Кириш. Боб. Иктисодиётни модернизациялаш шароити

10-расм ЯИМнинг ўсиш суръати прогнозлари (ўтган йилга нисбатан, фоизда)
11-расм Харидлар бўйича менежерлар халқаро индекси (+50 ўсиш, -50 пасайиш)

Манба: Халқаро валюта жамғармаси (WEO, October 2019) ва Bloomberg сайти маълумотлари.
Глобал PMI индекси (Харидлар бўйича менежерлар индекси) кўрсаткичи 2019 йилнинг II чорагидан бошлаб иқтисодий ўсиш суръатларининг пасайганлигидан далолат бермоқда. Ушбу даврда саноат секторининг PMI кўрсаткичи энг паст 50 даражадан ҳам пастга тушди (11-расм), яъни иқтисодий ўсиш ва халқаро савдонинг асосий омилларидан бири бўлган саноат сектори ўсиш суръ- атларининг жаҳон миқёсида пасайишини кўрсатмоқда. Бундан ташқари, PMI кўр- саткичининг пасайиши нафақат ривожланган, балки ривожланаётган мамлакатларда ҳам кузатилмоқда (12-расм).
Таъкидлаш жоизки, ўтган даврда жаҳон саноат ишлаб чиқаришининг пасайиши қуйидаги омиллар таъсирида юзага келди:

• 
  автомобиль ишлаб чиқариш ва сотиш ҳажмининг пасайиши, хусусан, Германия ва Хитой автосаноатида;
  

ишлаб чиқариш секторидаги компа- нияларнинг AҚШ ва Хитой ўртасидаги савдо танглиги ошиб бораётган шароитда иш билармонлик ишончининг пасайиши ҳисобига машина ва ускуналар сотиб олиш учун узоқ муддатли харажатларни амалга оширишга бўлган эҳтиёткорликнинг кучайиши;

• 
  Хитойда қарзларни бошқариш учун янада қатъий молиявий тартибга солувчи чоралар кўрилиши ҳамда ташқи савдо чекловлари шароитида ички ва ташқи талабнинг пасайиши ва бошқалар.
  

Саноат ишлаб чиқариши соҳасидаги пасайиш оқибатида глобал савдо ўсиш суръатлари ҳам бирмунча сустлашди.
2019 йилнинг биринчи ярмида жаҳон савдо ҳажми ўтган йилги мос кўрсаткичга нисбатан атиги 1 фоизга ошди ва бу 2012 йилдан буён 6 ойлик ўсиш суръатининг энг паст кўрсаткичидир. Географик нуқтаи назардан, импорт ҳажмининг энг катта камайиши Хитой, Шарқий Осиё (ривожланган ва ривожланаётган қисмлари) ва инқироздан энг кўп зарар кўрган давлатлар (Эрон, Венесуэла, Aргентина, Мексика, Туркия) ҳисобига тўғри келди.