Режа: Кириш. Боб. Иктисодиётни модернизациялаш шароити

8-расм ЯИМ ўсиши прогнози (муқобил) (фоизда, реал йиллик ўсиш)
9-расм Инфляция прогнози (муқобил) (фоизда, йиллик инфляция давр охирига)

Бунда, инфляция даражасига босим асосан тўлов балансининг манфий сальдоси ошиши натижасида миллий валюта девальва- циясининг тезлашиши ҳисобига юзага келади.
Шуни алоҳида таъкидлаш лозимки, валюта курсининг ташқи таъсирлар натижасида ўзгариши, ўз навбатида, миллий иқтисодиёт учун автоматик барқарорлаштирувчи ролини бажариб, ташқи шокларни ўзида акс эттиради.
Бундай шароитда валюта курси шаклланишига маъмурий йўллар билан аралашиш ёки уни маълум бир даражада ушлаб туриш янада салбий оқибатларга олиб келиши мумкин (халқаро резервларнинг камайиши ва ҳ.к.).
Шу боис ташқи таъсирларни юмшатиш ва оқибатларини бартараф этишда макро- иқтисодий тартибга солишнинг бозор инструментлари мажмуидан фойдаланиш мақсадга мувофиқ ҳисобланади.
Бунда, энг аввало, циклга қарши (контрциклик) фискал сиёсат юритиш ва пул- кредит сиёсатини янада қатъийлаштириш каби чоралар амалга оширилади.
Шунингдек, таркибий ислоҳотлар дои- расида иқтисодий ривожланишда ички манбаларга таяниш, аҳоли ва бизнес вакиллари жамғармаларини инвестицияларга айлантириш, ишлаб чиқариш ва экспорт таркиби, бозорларни диверсификация қилиш каби чораларни жадаллаштириш талаб этилади.
Пул-кредит шароитларини шакллан- тиришда ташқи шоклар таъсир кўлами ва давридан келиб чиқиб, асосий ставка даражасини ўсиш томонга қараб белгилаш эҳтимоли ошади ва асосий ставканинг траекторияси асосий сценарийда кўзда тутилган даражалардан анча юқори бўлади.
Марказий банк соф ташқи активларига нисбатан босим кучайган шароитда, мазкур босимни пасайтириш мақсадида Марказий банкнинг ички валюта бозоридаги иштироки тамойиллари қайта кўриб чиқилиши мумкин.
Бунда, Марказий банк томонидан валюта курси кескин тебранишларининг олдини олишга қаратилган инструментлардан валюта курсининг бозор тамойиллари асосида шаклланиши механизмига зарар етказилмаган ҳолда фойдаланилади.