Reja: Jismoniy tarbiya va uning vujudga kelishi

Qodirova O’g’iljonning “Bolalar jismoniy tarbiyasi” fanidan

“Jismoniy tarbiyaning umumiy masalalari” mavzusida tayyorlagan

Mustaqil ishi

Reja:
1.Jismoniy tarbiya va uning vujudga kelishi.
2. Jismoniy tarbiya nazariyasining mazmuni va metodlari
3.Jismoniy tarbiya nazariyasidagi asosiy tushunchalar.
4.Jismoniy tarbiya nazariyasining fanlar tizimida tutgan oʼrni.
5.Jismoniy tarbiya soќasida olib borilayotgan ilmiy-tadšišot ishlari va ilђor pedagogik tajribalar.

1.Jismoniy tarbiya va uning vujudga kelishi.

Jismoniy tarbiya, badan tarbiya — sogʻliqni mustahkamlashga, odam organizmini uygʻun ravishda rivojlantirishga qaratilgan umumiy tarbiyaning uzviy qismi. Jamiyatdagi jismoniy madaniyat ahvolini bildiruvchi koʻrsatkichlardan biri. J. t.ning asosiy vositalari: jismoniy mashgʻulotlar, organizmni chiniqtirish, mehnat va turmush gigiyenasi. J. t. aqliy, axloqiy, mehnat va estetik tarbiya b-n qoʻshib olib boriladi.
Ibtidoiy davrdan boshlab J. t.ga alohida eʼtibor qaratilgan. Dastlab u jismoniy mashqlar, turli oʻyinlar, mehnat jarayonlari, ovchilik, harbiy harakatlarga oʻxshatilgan musobaqalar va sinovlar shaklida mavjud boʻlgan, turli marosimlarni aks ettirgan. Keyinchalik yoshlarni qilichbozlik, chavandozlik, kamondan otish, yakkama-yakka kurash mahoratiga oʻrgatish jamiyatning asosiy vazifalaridan biriga aylana borgan. Uygʻonish davrida J. t.ga eʼtibor yanada kuchaydi. Gumanistlar J. t.ni oʻquv dasturiga kiritishga uringanlar. J. t.ga oʻrta asrlarda Yevropada oilaviy tarbiya va maktabdagi pedagogik jarayonning muhim qismi sifatida karala boshlandi. J. J. Russo "Emil, yoki Tarbiya toʻgʻrisida" deb atalgan pedagogik risolasida J. t.ning bolalarning aqliy kamoloti va mehnat tarbiyasidagi ahamiyatini taʼkidlagan. 18-asrda asosan Russo gʻoyalari taʼsirida Germaniyada paydo boʻlgan "insonparvarlik va yaxshi xulq maktablari" — filantropinlar J. t.ning shakl va uslublarining takomillashuviga olib keladi. Gimnastika mashqlari maktab dasturlaridan mustahkam oʻrin oladi. 19-asr oxiri va 20-asr boshida Fransiya, Buyuk Britaniya va b. mamlakatlarda J. t.ning milliy tizimlari tarkib topdi.
Oʻzbekistonda J. t.ga juda qadimdan salomatlikni mustahkamlashning asosiy vositasi deb qaralgan. Mahmud Koshgariyning "Devonu lugʻotit turk" asarida 100 dan ziyod xalq oʻyinlari toʻgʻrisida maʼlumot berilgan. "Alpomish" oʻzbek xalq qahramonlik dostoni, Alisher Navoiyning "Farxod va Shirin", Zayniddin Vosifiyning "Badoye ul-vaqoye" ("Nodir voqealar"), Boburning "Boburnoma" asari va b.da jismoniy, jangovar mashqlar, kuchlilik bahsmunozaralarining xilma-xil namunalaridan xikoya qilinadi.
Oʻzbekistonda mustaqillik yillariga kelib J. t. va sport davlat siyosati darajasiga koʻtarildi. 1992 y.da (2000 y.da esa yangi tahrirda) "Jismoniy tarbiya va sport toʻgʻrisida"gi qonunning qabul qilinishi, 1993 y.da Sogʻlom avlod davlat dasturining ishlab chiqilishi, Vazirlar Mahkamasining sportning alohida turlarini rivojlantirishga oid va nihoyat 1999 y.da "Oʻzbekistonda jismoniy tarbiya va sportni yanada rivojlantirish chora-tadbirlari toʻgʻrisida"gi qarori J. t.ning huquqiy asoslarini yaratdi.
J. t.ning keng tarmoqli tizimi: oilaviy-maktabgacha davr (chaqaloqlikdan boshlab bogʻcha yoshidagi), maktab yoshi, oʻrta maxsus va oliy taʼlim davri hamda katta yoshdagi (erkak va ayol)lar J. t.sini oʻz ichiga oladi. Oʻzbekistonda umumtaʼlim maktablaridagi J. t. pedagogik jarayon hisoblanib, J. t. darslari, sport seksiyalaridagi mashgʻulotlar orqali amalga oshiriladi. "Umumiy oʻrta taʼlim maktablari uchun jismoniy tarbiyadan davlat taʼlimi standarta" boʻyicha 1 — 9-sinflarda haftasiga 2 soatdan J. t. darslari joriy etilgan. Oʻquvchi-yoshlar oʻrtasida J. t.ni yanada ommalashtirish va ularning salomatligini mustahkamlash maqsadida 1999 y.da maxsus test sinovlari ishlab chiqildi. Mazkur testlarni muvaffaqiyatli topshirganlar uchun 3 darajali "Alpomish" va "Barchinoy" nishonlari taʼsis etildi. 1.588.298 nafar oʻquvchi mazkur testlarni muvaffaqiyatli topshirdi (2002). Shuningdek, maktab oʻquvchilari uchun "Umid nihollari", litsey-kollej oʻquvchilari uchun "Barkamol avlod", oliy oʻquv yurti talabalari uchun "Universiada" ommaviy musobaqalarini har 2 y.da oʻtkazish yoʻlga qoʻyildi. Xalq oʻyinlari va ommaviy sport turlari boʻyicha qar 2 y.da "Alpomish oʻyinlari" festivali hamda "Toʻmaris oʻyinlari" oʻtkazib kelinadi.
J. t.ning ilmiy-amaliy asoslari va shu soha mutaxassislari Oʻzbekiston davlat jismoniy tarbiya instituti, oliy oʻquv yurtlarining f-tlari hamda boʻlimlarida tayyorlanadi. Respublikada 6 ta olimpiya oʻrinbosarlari bilim yurti, 8 ta oliy sport mahorati maktabi va 369 ta bolalar-oʻsmirlar maktabida ham oʻquvchilarga J. t.dan saboq beriladi. "Yoshlik" koʻngilli sport tashkiloti, "Vatanparvar" mudofaaga koʻmaklashuvchi tashkiloti, "Dinamo" sport klubi kabi sport jamiyatlari aholining turli qatlamlarini J. t. mashgʻulotlariga jalb etishga xizmat qiladi.


2. Jismoniy tarbiya nazariyasining mazmuni va metodlari

Jismoniy tarbiya nazariyasi inson jismoniy kamolotini boshšarishning umumiy šonunlari ќakidagi fandir.

Jismoniy tarbiya nazariyasi – aqliy, axloqiy, estetik va mehnat tarbiyasi bilan chambarchas boqlišdir.
«Taʼlim tug’risidagi qonun», «Kadrlar tayyorlash milliy Dasturi», «Sog’lom avlod Dasturi» jismoniy tarbiya boʼyicha bir qancha vazifalarni amalga oshirishni nazarda tutadi:
1. Bog’cha va maktab yillaridan boshlab farzandlarini jismonan tibbiy tayyorgarliklarini yaxshilash va shu maqsadda maxsus qoʼllanmalar asosida dars oʼtish.
2. Sog’lom avlod faqat sog’lom oilada tug’iladi. Shu munosabat bilan sog’lom avlodning salomatligini oʼrganish, jismoniy kamoloti tushunchalarni targ’ib qilish.
3. Onaning homiladorlik davri, hamda farzand tug’ilgandan keyingi salomatligini nazorat qilish va uning sog’ligini mustahkamlash.
4. Bolaning 1 yoshgacha boʼlgan davrida, ularning sog’lom rivojlanishi uchun maʼsul boʼlgan muassasalarning harakatlarini va vazifalarini aniqlash va ularning faoliyatini qatʼiy nazoratga olish.
5. 1 yoshdan 7 yoshgacha boʼlgan bolalarning sog’ligini mustahkamlash va ularga tarbiya berishni tug’ri yoʼlga qoʼyish.
6. Davlat tomonidan jismonan nogiron bolalar himoyasining kuchaytirilishi, ularning jamiyatning toʼlaqonli aʼzolari bo’lib yetishtirish uchun shart-sharoit yaratish.
Jismoniy tarbiya nazariyasi amaliyot bilan uzviy bog’likdir. Jismoniy tarbiya nazariyasi – jismoniy tarbiya vositalari, jismoniy mashšlarni oʼrgatish tamoyillarini, usul va metodlarini ochishga, harakat koʼnikmalarini shakllantirishga va jismoniy sifatlarni rivojlantirishga, jismoniy tarbiya mashg’ulotlari, ertalabki badantarbiya, ќarakatli uyin, shuningdek jismoniy tarbiya ishini rejalashtirish va ќisobga olishga katta eʼtibor beradi.
Jismoniy tarbiya nazariyasi maktabgacha yoshdagi bolalar jismoniy tarbiyasining oʼziga xos xususiyatlarini ochib beradi.
Jismoniy tarbiya nazariyasida tadšišot metodlaridan foydalaniladi, ular:
1. Nazariy taќlil va umumlashtirish metodlari.
2. Pedagogik tadqiqot metodlari.
3. Eksperimental (tajriba – sinov) metodlari.
a) tabiiy eksperiment.
b) laboratoriya eksperimenti.
4. Matematik metodlar.