Reja: i-bob. Psixologik olimlar tomonidan idrokni nazariyalari yoritilishi va kichik maktab yoshidagi bolalarda idrokni rivojlanishi

Kichik maktab yoshidagi bolalarda vaqt va fazoviy idrokini shakllantirish.
Reja:
I-Bob. Psixologik olimlar tomonidan idrokni nazariyalari yoritilishi va kichik maktab yoshidagi bolalarda idrokni rivojlanishi.
1.1. Shaxs idrokini shakllanishida psixologik olimlar tomonidan o’rganilishi.
1.2. Kichik maktab yoshidagi bolalarda vaqt va fazoviy idrokni shaklantirish.
II-Bob. Kichik maktab yoshida bolalarda vaqt va fazoviy idrokni shaklanishini eksperemental o'rganilishi.
2.1. Kichik maktab yoshidagi bolalarda vaqt va fazoviy idrokni psixodiagnostik aniqlash.
2.2. Kichik maktab yoshidagi bolalarda vaqt va fazoviy idrokni rivojlanish bo'yicha olib borilgan ishlar tahlili.
Xulosa
Foydalanilgan adabiyotlar.

Kirish.
Kishi psixik hayoti va shaxsiy xususiyatlarining idrokka ta`siri va unda aks etuvchi mazmunni appertseptsiya deydilar. Kishilar ayni bir narsa yoki hodisani yoshlari, ma`lumotlari, turmush tajribalari, kasblari, sinfiy chiqishlari, temperament, xarakter, dunyoqarashlari jihatidan turlicha idrok qiladilar. Kishining qaysi sohaga doir bilim va tajribasi qanchalik boy bo`lsa, uning shu sahadagi idroki ham to`liq, chuqur va sermazmun bo`ladi. Masalan, biror yangi mashinani mutaxassisning idrok qilishi va mutaxassis bo`lmagan kishining idrok qilishi, bir mevali bog`ni rassom, agronom va savdo xodimining idrok qilishi bir-biridan farq qiladi.

Mavzuning dolzarbligi. Idrok obrazlari ularni vujudga keltiruvchi ob`ektlar va shaxsning o`zida bo`lgan bir qancha omillar bilan taqozo etiladi.
Shaxs tevarak - atrofdagi narsa va hodisalarning faqat ayrim xossalarini ongda aks ettirib qolmaydi, balki ularning barcha xossalarini birgalikda bir butun holda ham aks ettiradi. Sezgi a`zolariga bevosita ta`sir etib turgan narsa - hodisalarning obrazlarining kishi ongida bir butun holda aks ettirilishi idrok deyiladi. Masalan: uyni idrok qilish, gulni idrok qilish, odamni idrok qilish va boshqalar. Sezgi va idrok bir - biri bilan chambarchas bog`liq. Kishi narsa - hodisalarning ayrim xossalarini sezadi, uni bir butun holda idrok qiladi. CHunki, narsa va xossa bir - biridan ajralgan holda mavjud bo`lmaydi. Odam narsalarni idrok qilayotganda uning ayrim xossalarini sezadi. Masalan: chaqmoq qandni idrok qilinadi, uning shirinligini seziladi. Quyoshni idrok qilinadi, uning issiqligini seziladi va boshqalar.
Sezgilar oddiy elementar psixik jarayondir. Idrok esa sezgilarga qaraganda murakkab psixik jarayon hisoblanadi. Idrokning murakkabligi quyidagilarda ifodalanadi:
1. Har bir idrok tarkibiga ayni vaqtda bir necha sezgi kiradi. Masalan: qovunni idrok qilish. Bunda quyidagi sezgilar ishtiroq etadi. Qovunning shakli va rangini aks ettiruvchi ko`rish sezgisi, hidini aks ettiruvchi hid sezgisi, mazasini aks ettiruvchi ta`m sezgisi, harakatni aks ettiruvchi teri sezgisi va boshqalar. Bu sezgilar tahlil yordamida ajratib olinadi va idrokning retseptiv tomonini tashqil etadi. Ular ishtirokida narsaning barcha xossalari bir butun holda aks ettiriladi. Bu esa idrokning pertseptiv tomonini tashkil etadi.
2. Har bir idrok tarkibiga kishining o`tmishda hosil qilingan bilim va tajribalari kiradi.
Biz bunday shakl va buyumlarni ilgari juda ko`p marta ko`rganmiz. Ular haqida muayyan bilimlarimiz bor. SHuning uchun bu shakllardagi etishmagan joylarni o`sha bilimlardan olib qo`shamiz va bir butun aks ettiramiz. Demak, idrok jarayoniga xotira faoliyati qo`shiladi.
3. Idrok tarkibiga xayol tasavvurlari kiradi, Masalan, derazadagi qirovni idrok qilib, tropik o`rmon yoki gullarga o`xshatish, kesib olingan daraxt to`nkasini idrok qilib biror yovvoyi hayvonga o`xshatish, osmondagi pag`a – pag`a so`zib yurgan oq bulutlarni idrok qilib, to`plab qo`yilgan paxtaga o`xshatish va boshqalar.
4. Idrok tarkibiga tafakkur va nutq faoliyati kiradi. Agar idrok qilinayotgan narsa yoki hodisa biz uchun yangi notanish bo`lsa, darrov fikr yuritish faoliyati boshlanadi va “bu nima”, “buning nomi nima” degan savol tug`iladi. SHuning, har bir idrok hukm shaklida ifodalanadi. YA`ni narsa yoki hodisaga nom beriladi, uni so`z bilan aytiladi va mavjud tushuncha doirasiga kiritiladi. Masalan “bu gul”, “bu mashina”, “bu kitob” va boshqalar.
5. Idrok jarayoniga his - tuyg`ular ta`sir qiladi. Bu his - tuyg`ular idrok qilinayotgan narsa- hodisalar to`g`risida o`tmishda tug`ilgan taassurotlar va fikrlardan hamda ayni paytdagi idrok jarayonida vujudga kelishi mumkin.
His - tuyg`ular idrokning faollik darajasini kuchaytiradi, uning mazmunini jonli, yorqin qiladi.
6. Idrok jarayonida diqqat g`oyat katta ahamiyatga ega.
Diqqat idrokning faolligini oshiradi va uning mukammal bo`lishiga xizmat qiladi. Diqqatsiz hech narsani idrok qilish mumkin emas. Narsa - hodisalarni to`liq va raso idrok qilish uchun shu narsa - hodisalar ustida diqqat kuchli va barqaror turishi zarur. Demak, o`quv materialini yaxshi idrok qilish uchun o`quvchilar diqqatini uyushtirish kerak.
Kurs ishi ishining maqsadi. Kichik maktab yoshidagi o’quvchilarning bilish jarayonlarini takomillashtirish hamda ularning idrok hususiyatlarini rivojlantirish. Kichik maktab yoshidagi o’quvchilarda idrokning to’g’ri rivojlanishi muhim omil hisoblanadi.
Kurs ishi obekti. Kichik maktab yoshidagi o’quvchilar.
Kurs ishi predmeti. Kichik maktab yoshidagi o’quvchilar va ularda idrokning rivojlanishi va shakllanishi.