Режа: Геология, минерология, петрография фанларининг мазмуни, мақсади, вазифаси

Тарихий геология-сайёрамизнинг узоқ тарихий ривожланишини ва ўтмишини, унда бўлиб ўтган ўзгаришларни ва бу ўзгаришларининг содир бўлишига сабабчи бўлган жараёнларни, Ер қобиғини ташкил этувчи тоғ жинс қатламларининг ер қобиғида тарқалиши, ётиш шароитларини тахлил қилади ва ўрганади. Бу фан катта амалий ахамиятга эга бўлиб, табиий қурилиш хом ашёлар конларини қидириб топишда муҳимдир.
Тектоника-грекча сўздан олинган бўлиб- “тузилиш” деган маънони билдиради, яъни Ернинг литосфера қобиғининг тузилишини ўзгартирувчи жараёнларни ўрганади. Тоғ жинсларининг ётиш шароитини ўзгартирувчи ва улар қатламининг деформацияланишига сабабчи бўлган, ернинг қисмида бўладиган харакатларни ўрганади.
Геоморфология-грекча гео-ер, морфо-шакл, логос-илм, фан деган маънони билдириб, ер юзасининг шакли, яъни унинг релъефи ҳақидаги фандир. Ер релъефини ўрганиш унинг асосий вазифасидир.
Геофизика-ер қобиғидаги тоғ жинсларининг физик хусусиятларини (сейсмик тўлқинларнинг тарқалиш тезлиги, электр токи ўтказувчанлиги ва қаршилигининг ўзгариши, радиактивлиги, магнитли хусусиятлари) ни ўрганадиган фан
Минералогия фанининг мақсади ва вазифаси.
Ер қатламларининг энг юқори қисмини ташкил этувчи тош ёки қаттиқ қобиғи- литосфера тоғ жинсларидан ташкил топган. Тоғ жинслар эса ўз навбатида минерал заррачалардан ташкил топгандир.
Минералогия-минераллар ҳақидаги фан бўлиб, унинг мақсади минералларнинг пайдо бўлишини, ички тузилишини, кимёвий таркибини ва физик хусусиятларини ўрганишдир. Минералогия геология фанининг энг қадимги тармоқларидан ҳисобланади. Тоғ жинсларининг тузилиши, хосса ва хусусиятлари, уларни ташкил этувчи минералларнинг хосса ва хусусиятига боғлиқдир. Шу сабабли минералларни ўрганиш, тоғ жинсларини ўрганиш ва улардан халқ хўжалигида фойдаланиш усулларини, айниқса, табиий қурилиш материалларини қидириш ва топишда катта ахамиятга эгадир.
Шунинг учун минералогиянинг асосий вазифалари қуйидагилардан иборат:

• Минераллар пайдо бўлишида муҳим бўлган физикавий, кимёвий жараёнларни

ўрганиш;
2) Минералларнинг ер қаърида тарқалиш қонуниятларни ўрганиш;
3) Минералларнинг тузилишни, хоссасини, кимёвий таркибини ўрганиш ва ҳалқ хўжалигида
ишлатиш ва қазиб олиш усулларини белгилаш;
4) Табиий минералларнинг пайдо бўлиш жараёнларини ўрганиб, халқ хўжалиги учун муҳим бўлган минералларни ишлаб чиқариш, шу жумладан қурилиш материалларини ҳам ишлаб чиқаришда кенг фойдаланилади.