Режа Ферментларнинг кашф қилиниши. Хужайра ичи ва ташки ферментлари, ишлатилиш соҳалари Фермент ишлаб чиқаришдаги асосий жараёнлар

МУЛЬТИФЕРМЕНТЛИ ОҚСИЛЛАР. 
Бир молекуласи икки ёки ундан кўпроқ ферментатив фаолликка эга бўлган, алоҳида ёки бир-бирлари билан кимёвий боғланган оқсилларни мультифермент оқсиллар деб аталади. Охирги вақтларда мультифермент комплексларни мультифермент полипептидлар деб аталадиган бўлди. Мисол тариқасида E.coli бактериясидан ажратилган, молекуляр оғирлиги 86 кДа тенг бўлган, аспартаткиназа ва гомосериндегидрогеназа фаолликларига эга бўлган полипептидни кўрсатиш мумкин.
Диққатга сазовор бўладиган ферментлардан яна бири–ёғ кислоталарини синтезида фаол иштирок этувчи полипептид-ёғ кислоталар синтаза ферментидир. Бу фермент ацетил-КоА ни карбоксиллаш реакциясидан ташқари ёғ кислоталарини биосинтези жараёнинг бирин-кетин келадиган барча босқичида иштирок этади. Биотехнология нуқтаи назаридан шунингдек, ароматик аминокислоталар–L-триптофан, тирозин ва фенилаланин биосинтезининг бирин-кетин келадиган бир неча реакцияларини катализ қилувчи мультифермент полипептид (1- ва 2-комплекслар) ҳам катта аҳамият касб этади. Мультифермент полипептидларни қизиқарли томони шундан иборатки, улар ўта мураккаб ўтадиган ўзгаришларни енгиллаштиради, ҳамда барча жараёнларни бошқариш учун имконият яратиб беради.