Режа: Эконометрика фанининг ривожланиш тарихи Эконометрика фанининг предмети ва вазифалари Эконометрик усулларнинг хусусиятлари

4. Эконометрик моделлаштиришнинг назарий асослари
Эконометрик моделлаштириш амалга ошириш қўйилган мақсаддан келиб чиқилади ҳамда мақсадни қўйиб олгандан сўнг вазифалар танланади, шу вазифаларни мувофаққиятли бажариш эконометрик ҳисоблашнинг меъзон ва тамойилларига боғлиқ. Қуйида, шу меъзон ва тамойиллар билан танишишингиз мумкин.
2-жадвал

№	Меъзонлар	Тамойиллар
1.	Мақсад	Муаммони тўғри қўйиш
2.	Ўринбосар моделлар	Тизимли йўналиш
3.	Харажат	Ноаниқликларни ҳисобга олиш
4.	Самарадорлик	Мавжуд ўринбосар моделларни такомиллаштириш ва янгиларини топиш

Ўз-ўзидан савол туғилади, модель нима? моделлаштириш нима? моделлаштириш қандай элементлардан иборат?
Модель – бу тадқиқот жараёнида ҳақиқий объектнинг ўрнини шундай босадики, уни бевосита ўрганиш ҳақиқий объект ҳақида янги билимлар беради. Моделларни қуришда тадқиқ қилинаётган ҳодисани белгиловчи муҳим омиллар аниқланади ва қўйилган масалани ечиш учун муҳим бўлмаган омиллар чиқариб ташланади.
Моделлаштириш деганда моделларни қуриш, ўрганиш ва қўллаш жараёни тушунилади.
Моделлаштириш жараёни қуйидаги уч элементни ўз ичига олади:

• 
  субъект (тадқиқотчи);
  
• 
  тадқиқот объекти;
  
• 
  иқтисодий модель.