Reja: Dars turlari va dars tuzilishi. O’qituvchining darsga tayyorlanishi. Dars konspektlarini tuzish

Дарснинг асосий уч вазифаси Таълимий: ўқувчиларни билим, кўникма ва малакалар тизими билан қуроллантириш.

Тарбиявий: ўқувчиларда илмий дунёқарашни, шахсий аҳлоқий сифатларни, қараш ва қадр-қийматлар тизимини шакллантириш.
Ривожлантирувчи: ўқувчиларда ижодий қобилиятлар, ирода, ҳисссиётлар, билишга қизиқиш, ўрганиш қобилятларини, нутқ, хотира, диққат, тасаввур, идрокни ривожлантириш

Ҳозирги замон дарсининг асосий компонентлари

1. Ташкилий – бутун дарс жараёнида ўқувчиларнинг дарсга тайёрлигини, тартиб ва интизомни ташкил этиш. 2. Мақсад - ўқувчилар олдига бутун дарсга ва шунингдек унинг айрим босқичларига мақсадни қўя олиш. 3. Мотивацион – ўрганилаётган мавзу материалига ҳамда бутун ўқув курсининг аҳамиятини аниқлаштириш. 4. Коммуникатив – ўқитувчининг синф билан мулоқот қилиш даражаси. 5. Мазмун – ўрганиш, мустаҳкамлаш, қайтариш, мустақил ишлаш ва бошқалар учун материал танлаш.
6. Технологик – мазкур синф, мавзу, дарс типига мос келадиган таълим шакли, метод ва услубларни танлаш. 7. Назорат-баҳолаш – ўқувчининг фаоллиги ва билиш қизиқишларини рағбатлантириш учун унинг дарсдаги фаолиятини баҳолашдан фойдаланиш. 8. Таҳлилий - дарснинг якуний хулосанини чиқариш, ўқувчиларнинг дарсдаги фаолиятини таҳлил қилиш, ўзининг дарсни ташкил этишдаги фаолиятини таҳлил қилиш.

Анъанавий дарсда ўқитувчининг мақсадлари	Шахсга йўналтирилган дарсда ўқитувчининг мақсадлари
Барча ўқувчиларни ўрнатилган билим, кўникма ва малакалар миқдорига ўргатади.	Ҳар бир ўқувчининг самарали ўзининг шахсий тажрибаси тўпланишига ёрдам беради.
Ўқув вазифаларни, ўқувчиларнинг фаолият шаклини белгилайди ва вазифанинг тўғри ечимини кўрсатиб беради.	ўқувчиларга турли ўқув вазифаларни ва фаолият шаклларини таклиф этади, уларни мустақил ечиш йўлларини излашни рағбатлантиради.
Ўқувчиларни ўзи таклиф этган ўқув материалга қизиқтиришга ҳаракат қилади.	ўқувчиларнинг ҳақиқий қизи-қишларини аниқлашга ва улар билан ўқув материалини танлаш ва ташкил этишни келишишга ҳаракат қилади.

Паст ўзлаштираётган ўқувчилар билан индивидуал машғулотлар ўтказади.

Ҳар бир ўқувчи билан индивидуал иш олиб боради.

Болалар фаолиятини режалаштиради ва маълум йўналишга йўналтиради.	Болаларга мустақил ўз фаолиятларини ташкил этишга ёрдам беради.
Болаларинг иш натижаларини уларнинг қўйган хатоларини топиш ва тўғрилашига қараб баҳолайди.	Болаларни мустақил ўз иш натижаларини хатоларини тўғрилаш ва ўзларини баҳолашларини рағбатлантиради
Синфда қоидани белгилайди ва унинг болалар томонидан риоя қилинишини назорат қилади	Болаларни мустақил хулқ-атвор қоидаларини ишлаб чиқишга ва уларга риоя қилишга ўргатади.
Блалар ўртасида юзага келадиган низоларни ҳал этади: ҳақни рағбатлантиради ва ноҳақни жазолайди	Болаларни улар ўртасида юзага келган низоли вазиятларни муҳокама этишга ва мустақил ҳал этиш йўлларини топишга ундайди.