Reja: aqsh soliq tizimi va uning rivojlanish tarixi aqsh soliq turlari Yuridik shaxslardan olinadigan soliqlarning o’ziga xos xususiyatlari aqsh soliqlarini

Reja:
1.AQSH soliq tizimi va uning rivojlanish tarixi
2.AQSh soliq turlari
3.Yuridik shaxslardan olinadigan soliqlarning o’ziga xos xususiyatlari
4.AQSh soliqlarini budjetdagi o’rni va stavkalari
5.AQShda soliq qarzini undirish mexanizmi
6.AQSh soliq tizimi va O’zbekiston Respublikasi soliq tizimining solishtirma tahlili


Kirish

Mamlakatimizda yildan yilga davlat byudjeti daromadlari va xarajatlarini shakllantirishda samarali mexanizmlarni qoʻllash, davlat byudjetining soliqli daromadlarini oshirish va undan oqilona foydalanish bilan bogʻliq islohotlar amalga oshirilmoqda.Mazkur kur ishida soliqlarning davlat byudjetidagi ahamiyati va bu boʻyicha jahon tajribasini oʻrganish jarayonida mahalliy soliqlar boʻyicha olimlarning fikr mulohazalari, ularning Amerika Qo’shma Shtatlari byudjeti daromadlaridagi oʻrni, mahalliy soliqlar boʻyicha tushumlarning prognozlari atroflicha tahlil qilingan. Shuningdek, AQShning yer va mol-mulk soligʻi boʻyicha mavjud holat va soliq stavkalari darajasi oʻrganilgan. Qolaversa, mol-mulk soligʻi boʻyicha tushumlar rivojlangan va rivojlanayotgan mamlakatlar kesimida tadqiq qilingan. Mahalliy soliqlarning davlat byudjetidagi ahamiyati, bu boʻyicha milliy va jahon amaliyotini tahlil qilish orqali mamlakatimizda mahalliy soliqlar boʻyicha mavjud holatlar boʻyicha ilmiy xulosa va takliflar berilgan.

Har bir mamlakatda jamoatchilik ehtiyojlarini qondirish hamda mahalliy rivojlanishni ragʻbatlantirishda mahalliy soliqlarning ahamiyati inobatga olinadi. Mahalliy oʻzini oʻzi boshqarish organlari daromadlarini oʻz byudjetlaridagi xarajatlarga mos ravishda oʻz manbalaridan, ya’ni mahalliy soliqlar hisobidan ta'minlashi zarur. Ushbu holda mahalliy soliqlar boʻyicha tushumlarni shakllantirishda byudjet uchun samarali mexanizmni yaratishda, albatta, soliq toʻlovchilarga tushadigan soliq yukini inobatga olish lozim, aks holda soliq toʻlovchilarning noroziligi soliq tizimining samaradorligiga salbiy ta’sir koʻrsatishi mumkin. Ta’kidlangan jihatlarni inobatga olgan holda xalqaro tajribani oʻrganish va milliy amaliyotimizga moslashtirish mamlakatimizda mahalliy soliq turlari boʻyicha tushumlarning oshishiga xizmat qiladi.