Reja: 1 Istiqlol davri o`zbek sheriyatiga xos xususiyatlar

Mavzu: Istiqlol davri o`zbek sheriyatiga xos xususiyatlarni Usmon Azim ijodi misolida o`rganish
Reja:
1 Istiqlol davri o`zbek sheriyatiga xos xususiyatlar
2 Istiqlol davri o`zbek sheriyatiga xos xususiyatlarni Usmon Azim ijodi misolida o`rganish

Мустақиллик йиллари қатор адабий жараёнимиз муайян маънодаги, ижодий сарҳисоб даври бўлди. Янги босқич ўзбек шеъриятининг кўлами янада кенгайди. Ғарб адабиётининг сонет ва модерн йўналишларидан тортиб, олис япон шеъриятидаги танка, хокку шаклларидаги асарларгача пайдо бўлди.

Тўғри, бу шаклларнинг айримлари шеъриятимизда илгариги босқичда ҳам мавжуд эди. Бироқ шакл ва йўналишларда энди янги давр муаммолари, истиқлол даври кишисининг ички дунёси ва тасвир воситалари, янги ғоялар ўз ифодасини топа бошлади.¹ Бу даврдаги ижод намуналарида аввалги босқичдаги асарларга хос бўлмаган Ватан, Истиқлол, эрк мавзу ва муаммоларнинг янгича тасвирларига, янгича услубий талқинларига ва бу йўналишдаги янги-янги бадиий образлар, тимсолларга дуч келамиз.
Бу даврда А.Ориповнинг “Ҳикмат садолари”, “Савоб”, “Дунё мажмуалари”, “Ранжком”, “Соҳибқирон” драматик достони, Е.Воҳидовнинг “Яхшидир аччиқ ҳақиқат” шеърий тўплами, “Донишқишлоқ латифалари”, туркуми, Зулфиянинг “Хотира синиқлари” достони Асқад Мухторнинг “Йилларим”, “Уйқу қочганда”, О.Матжоннинг “Ардахива афсонаси”, “Нега мен”, “Қуш йўли”, Икром Отамуроднинг “Узоқлашаётган Оғриқ”, “Сопол синиқлари”, Ойдин Ҳожиеванинг “Нажот”, Қутлибеканинг “Тавба”, “Қадимги куй”, мажмуалари, Рауф Парфиннинг “Тавба” Сирожиддин Саййиднинг “Қалдирғочларга бер айвонингни” “Кўксимдаги зангориларим” “Ватанни ўрганиш” Матназар Абдулҳакимнинг “Ойдинлик”, Фахриёрнинг “Аёлғу” Маҳмуд Тоировнинг “Ҳақни таниб” тўпламилари Тоҳир Қаҳҳор, Фарида Афрўз Усмон Азим, Минҳожиддин Мирзо, Иқбол Мирзо ва бошқа кўплаб ижодкорларнинг ижодлари ҳозирги адабий жараёнимизда анчагина салмоқли ва залворли фалсафий-психологик тахлил хисобга кенгайиб теранлашиб бораётганни маълум бўлади. Сўнги ўн беш йил ичида адабий жараёнга назар ташлар эканмиз адабиётимизнинг ҳеч бир босқичи деярли барча масалаларда бу даврдагидек ранг-баранг, сертармоқ, сермаҳсул, сержило ва ҳатто баъзан айрим кутилмаган, ҳайратомуз ҳодисаларга бой бўлмагани кўрамиз.²