«Реформалар билимданы» кең тармақлы республика илимий-ағартыўшылық таңлаўы өткериледи. Таңлаўда төмендегише тәртипте қатнасыўға болады. Студентлер арасында: «Ең белсенди реформалар үгит-нәсиятлаўшысы»

Университет педагог хызметкерлери ҳәм студентлер-жаслары арасында «Реформалар билимданы» кең тармақлы республика илимий-ағартыўшылық таңлаўы өткериледи. Таңлаўда төмендегише тәртипте қатнасыўға болады.

Студентлер арасында: «Ең белсенди реформалар үгит-нәсиятлаўшысы» номинациясы.
Педагог хызметкерлер арасында:
«Ең белсенди миллий идея ҳәм мәнеўият үгит-нәсиятлаўшысы» номинациясы;
«Руўхый-ағартыўшылық ислер бойынша ең жақсы кафедра» номинациясы;
«Ең жақсы топар тюторы» номинациясы;
«Ең белсенди ҳаял-қызлар мәсләҳәт кеңеси баслығы» номинациясы;

Таңлаўда қатнасыўды қәлеўшилер арзалары ҳәм таңлаӯға усыныс еткен ҳүжжетлерин усы жылдың 15-июнь күнине шекем қабыл етиледи. Бунда қатнасыўшылар өз ҳүжжетлерин факультетлериндеги жаслар мәслелери ҳәм руӯхыйлық-ағартыӯшылық ислери бойынша декан орынбасарларына бериўлери тийис.

«Реформалар билимданы» кең тармақлы республика илимий-ағартыўшылық таңлаўын өткериў тәртиби ҳаққындағы
РЕЖЕ


1. Улыўма қағыйдалар
1. Бул Реже жоқары оқыў орынлары педагог хызметкерлери, студентлер ортасында «Реформалар билимданы» кең тармақлы республика илимий-ағартыўшылық көрик-таңлаўын (кейинги орынларда – «Көрик-таңлаў» деп жүргизиледи) өткериў тәртибин белгилейди.
2. Бул көрик-таңлаў «Өзбекстан Респбликасы Президентиниң «Тәлим-тәрбия системасын және де жетилистириўге тийисли қосымша ис-илажлар ҳаққында» 2020-жыл 6-ноябрьдеги ПҚ – 4884 –санлы қарарының қосымшасы менен тастыйықланған «Тәлим-тәрбия ҳәм илим тараўларын және де жетилистириўге қаратылған ис-илажлар бағдарламасы»ның 22-пунктинде белгиленген ўазыйпаларды избе-из әмелге асырыўға бағдарланған.
3. Көрик-таңлаў төмендеги номинациялар бойынша өткериледи:
«Ең белсенди миллий идея ҳәм мәнеўият үгит-нәсиятлаўшысы» номинациясы;
«Руўхый-ағартыўшылық ислер бойынша ең жақсы кафедра» номинациясы;
«Ең жақсы топар тюторы» номинациясы;
«Ең белсенди ҳаял-қызлар мәсләҳәт кеңеси баслығы» номинациясы;
«Ең белсенди реформалар үгит-нәсиятлаўшысы» номинациясы.
4. Көрик-таңлаўды жоқары сапада өткериў ушын Жоқары ҳәм орта арнаўлы билимлендириў министрлиги, Илимлер академиясы, Республика Руўхыйлық ҳәм ағартыўшылық орайы, қарамағында жоқары оқыў орынлары бар болған министрлик ҳәм мәкемелер ҳәм де жоқары оқыў орынлары жуўапкер шөлкемлер етип белгиленеди.