Referat mavzu: Davlat sektori buxgalteriya hisobini xalqaro standartlarga o’tkazish masalalari. Bajardi: Z. Asatullayev

Nazorat qiluvchi yoki huquqni muhofaza qiluvchi organlar
tashabbusiga ko‘ra buxgalteriyani o‘tkazish xususiyatlari

«Buxgalteriya faoliyati to‘g‘risida»gi Qonunning 15-moddasiga muvofiq buxgalteriya tekshiruvi nazorat qiluvchi yoki huquqni muhofaza qilish organlarining tashabbusiga ko‘ra buxgalteriya tashkiloti tomonidan, ular o‘rtasida xo‘jalik yurituvchi subyektlarning moliya-xo‘jalik faoliyatini buxgalteriya tekshiruvidan o‘tkazish yuzasidan tuzilgan shartnomaga asosan o‘tkaziladi.Shuningdek, buxgalteriya tekshiruvini o‘tkazish bo‘yicha ishlarga haq to‘lash buxgalteriya tekshiruvini belgilagan organ hisobidan amalga oshiriladi.O‘zbekiston Respublikasi protsessual qonunchiligiga muvofiq huquqni muhofaza qilish organlari (tergov organlari, sud va arbitraj sudi) xo‘jalik yurituvchi subyektlarni buxgalteriya tekshiruvidan o‘tkazishga topshiriq berishlari mumkin.Bunday topshiriq huquqni muhofaza qilish organlarida quyidagi shart-sharoitlar mavjud bo‘lganida beriladi:

1. 
   qo‘zg‘atilgan ( qayta ko‘rilayotgan) jinoiy ishlar;
   

2) fuqarolik ishini qabul qilish (qayta ko‘rish);
3) arbitraj sudining idoraviy tasarrufidagi ishlar.

Huquqni muhofaza qilish organlarining tashabbusiga ko‘ra o‘tkazilgan tekshiruvlar natijalari bo‘yicha tuzilgan buxgalteriya xulosasi O‘zbekiston Respublikasi jinoyat protsessual kodeksiga muvofiq tayinlangan sud-buxgalteriya ekspertizasi xulosasiga tenglashtiriladi.Sud-buxgalteriya ekspertizasi ayrim o‘ziga xos xususiyatlari bilan buxgalteriya tekshiruvlaridan tubdan farq qiladi.Ko‘p hollarda ekspertiza ekspert muassasalarining maxsus xonalarida o‘tkaziladi.Zarur hollarda ekspertiza o‘tkazish joyi ekspert tomonidan, ekspertizani tayinlagan organ bilan kelishilgan holda aniqlanadi.