Rayonlari va yirik tabiiy-iqtisodiy mintaqalari

2. Respublikani iqtisodiy rayonlashtirish 

 

Oʻzbekistonni  rayonlashtirish  tarixi  1926  yilga  borib  taqaladi.  Oʻsha  vaqtda 

respublika  maʻmuriy-iqtisodiy  rayonlashtirilib  10  ta  okruglarga  ajratilgan. 

Keyinchalik,  ushbu  maʻmuriy-hududiy  boʻlinishda  yana  oʻzgarishlar  roʻy  bergan. 

“1930  yilda  Oʻzbekiston  poytaxti  Samarqand  shahridan  Toshkentga  koʻchirilgan, 

1936  yilda  Qoraqalpogʻiston  MSSR  Oʻzbekiston  SSR  tarkibiga  kiritilgan,  1938 

yilda  respublika  tarkibida  5  ta  viloyat  -  Buxoro,  Samarqand,  Toshkent,  Fargʻona, 

Xorazm viloyatlari tashkil etilgan; 1941 yilda Andijon, Namangan va Surxondaryo 

viloyatlari,  1943  yilda  Qashqadaryo  viloyati,  1963  yilda  Sirdaryo  viloyati,  1973 

yilda  Jizzax  viloyati  va  1982  yilda  Navoiy  viloyati  tashkil  etildi”(Asanov  G  va 

boshqalar., 1994). 

Oʻzbekistonni  iqtisodiy  rayonlashtirish  masalalari  bilan  koʻp  yillarda 

Z.A.Akramov,  K.N.Bedrinsev,  V.M.Chetirkin,  N.G.Sapenko,  A.S.Soliyev, 

N.Toʻxliyev  kabi  qator  geograf,  iqtisodchi  olimlar  shugʻullanishgan.  Jumladan, 

respublika  dastavval  5  ta  iqtisodiy  rayonga  boʻlingan:  Toshkent,  Fargʻona, 

Zarafshon, Quyi Amudaryo va Janubiy. Keyinchalik, Z.A. Akramov mamlakatni 8 

ta  iqtisodiy  rayonga  ajratishni  taklif  etganlar,  unda  Toshkent  iqtisodiy  rayoni 

(Toshkent  viloyati),  Mirzachoʻl  rayoni  (Sirdaryo  va  Jizzax  viloyatlari),  Fargʻona 

rayoni (Andijon, Namangan, Fargʻona), Samarqand (Samarqand viloyati), Buxoro- 

Qizilqum rayoni (Buxoro va Navoiy viloyatlari), Qashqadaryo rayoni (Qashqadaryo 

viloyati),  Surxondaryo  rayoni  (Surxondaryo  viloyati)  hamda  Quyi  Amudaryo 

(Qoraqalpogʻiston Respublikasi va Xorazm viloyati) rayonidan iborat boʻlgan. 

 

 

---