Ращим щасанов

В
Вернисаж-кўргазманинг очилиши. Дастлаб у Францияда кўргазмадан олдин рангтасвир асарлари сатҳига лок бериш деган маънони англатган.
Витраж-ойна устига бўёқ билан ишланган рангтасвир. Уни икки томонлама кўриш мумкин. Улар кўпинча уй деразалари ёки эшик ойналарига, шунингдек маъмурий, ўқув юртлари биноларига ишланади. Улар расмли ёки нақшли бўлади.
Г
Галерея-тасвирий ва амалий санъат асарлари сақланадиган ва кўргазмалар ўтказиладиган махсус бино.
Гамма-ўзаро уйғун ранглар йиғиндиси бўлиб, унда биронта ранг етакчилик қилади. Масалан, илиқ ранг гаммаси, совуқ ранг гаммаси, ёрқин ранг гаммаси шулар жумласидандир.
Глиптика-қимматбаҳо тошга ўйиб туширилган тасвир, баъзида зеб-зийнат ва муҳр ўрнида ҳам ишлатилади.
Горельф-французча сўз бўлиб, юқори рельф маъносини англатади. Хайкалтарошликда ишлатиладиган рельф атамасининг бир тури. Рельфнинг бу турида тасвир текислик юзасидан унинг хақиқий ўлчовининг ярмида кўп нисбатида кўринишда бўртиб чиққан бўлади.
Гравюра-французча ўйиш маъносини билдиради. Гравюра металл, ёғоч, линолеум, тош каби материалларни махсус асбоблар билан ўйиш орқали ҳосил қилинадиган ва улардан қоғозга кўчириладиган тасвир туридир.
Гравёр-метал, тош, ёғочга ўйиб тасвир ишлайдиган уста, рассом.
Грифон-қадимги Шарқ санъатида учрайдиган танаси арслон, калласи ва қаноти бургутсимон афсонавий маҳлуқ тасвири.
Гризайлъ-тасвир усули бўлиб, биргина бўёқ билан ишланган тасвир. Бунда кўпинча қизиғиш, қора, жигарранг, зангори ранглар қўлланилади.
Грунт-тасвир ишланадиган замин. У картон, бўз, девор бўлиши мумкин. Унга тегишли қоришма суртилган бўлади.
Гуашъ-Италянлар тилидан олинган бўлиб, сувли бўёқ маъносини англатади. У сувда яхши эрийди. Гуашь бўёғи акварелдан уни қоғоз юзасига барнеча қават қилиб турлича қалинликда берилиши билан фарқланади.
Гулгун-ранг номи, кечки шафақ пайтида рўй берадиган кўриниш ранги.