Raqamlashtirilgan tashkilot: bir strategiya barchaga mos kelmaydi

#4 “Barcha yerda mavjud/har yerda hozir” kvadrant

Ushbu kvadrant kompaniyalar erishmoqchi bo’lgan natija kvadrant hisoblanadi. Boshqa kvadrantlardagi korxonalar o'z mijozlarini ko'chirishga va har yerda hozir kompaniyaga aylanish uchun o'z imkoniyatlarini yaratishga harakat qilishlari kerak. Bu kvadrant COVID-19 inqirozi paytida yumshoqroq zarbani boshdan kechirayotgan sohalarga tegishli bo'lib, yuqori texnologiyaga asoslangan va moliyaviy xizmatlarga asoslangan korxonalar misolida ko’rish mumkin. Tex-kompaniyalar, tabiiy ravishda, ijtimoiy masofa siyosati va uyda ishlash uchun eng qulay hisoblanadi. Bu kompaniyalar an'anaviy sanoatni buzishni maqsad qilib qo'yishdi va pandemiya ularga shunchaki yaxshi imkoniyat bo’ldi. Amazon, Microsoft, Netflix, Zoom va Salesforce kabi kompaniyalar yuqori o'sishga erishdilar.

Raqamli moliyaviy xizmatlar mijozlar banklarga borishdan qochganda va naqd pulsiz to'lovlar odatiy holga aylanganda ham o'sib boradi. Biroq, banklar o'zlarining mijozlarini pandemiyadan ancha oldin har xil imtiyozlar bilan raqamlashtirishga o’tkazishgan. Bugungi kunda barcha yirik banklar onlayn va mobil bank xizmatlarini taklif qilmoqdalar

Bankda mijozning onlayn xizmatni tanlashi faqat qulaylikka asoslangan. Bank filialiga borishni tanlagan mijozlar chakana do'konlarda bo'lgani kabi emas. Ular filialga borishni xohlashadi, chunki bu qulayroq. Shunday qilib, agar raqamli bank mijozlarning keng doirasi uchun qulaylikni takrorlasa, elektron kanal eng maqbul yo'nalishga aylanadi.

Ammo raqamlashtirish sohaga qaraganda ancha chuqurlashmoqda. Moliyaviy xizmatlar qo'ng'iroq markazining ish yukini kamaytirish uchun chat-botlardan, tranzaksiya xavfsizligini oshirish uchun blok zanjiridan va firibgarlikni aniqlash uchun sun’iy intellektdan foydalanishni o'rganib chiqmoqdalar. Bu yuqori texnologiyali va media-biznesdan tashqari, raqamli sohalardan biriga aylandi

Siz raqamli bosqichga o'tishga qanchalik tayyorsiz?

To'rt kvadrant ma'lum bir sanoatning raqamli bosqichga o'tishga qanchalik tayyor ekanligi haqida umumiy fikr beradi. Ammo har bir kompaniya, hattoki bir xil sanoat sektorida ham, har xil tayyorgarlikka ega bo'lishi mumkin va shu sababli o'zini tengdoshlaridan farqli kvadrantda topishi mumkin. Shunday qilib, har bir kompaniya raqamli tizimga o'tish qobiliyati va mijozlarining raqamli kanallarga o'tish istagi asosida o'zini baholashni amalga oshirishi mumkin. Baholashda eng ko'p mezonlarga mos keladigan korxonalar raqamlashtirishga tayyor deb topiladi.