Raqamlashgan dunyo nutqiy mavzuning maqsadi

Oʻqib tushunish.
Quyida oʻquvchilar kundalik hayotda: yozishmalarda, xabarnomalarda 
foydalanadigan “smaylik” haqida qiziqarli maʼlumot berilgan. Oʻquvchilar ushbu 
maʼlumot bilan tanishtiriladi. 
Muhokama. 
Ayting-chi, siz ham “smaylik” soʻzini oʻzbekcha “hisbelgi” soʻziga oʻzgartirish 
deb hisoblaysizmi? Bu biz uchun nega kerak? 
Bu topshiriqdan asosiy maqsad oʻquvchilarga chetdan oʻzlashgan 
soʻzlarning oʻzbekcha muqobilini topish, soʻzlarni oʻz holicha emas, balki 
oʻzbekcha muqobili bilan oʻzlashtirishni oʻrgatish maqsad qilingan.
Tilimizga rus tilidan toʻgʻridan-toʻgʻri oʻzlashgan “smaylik” soʻzining 
oʻzbekcha nomi bor. Uni “hisbelgi” deb ataymiz. 
Qoida. Leksikologiya.
 
Oʻzbek tilining boyish manbalari haqida maʼlumot beriladi.
 
Leksikografiya.
 
Xorijiy tillardan olingan soʻzlar bilan tanishing. Kitob oxirida berilgan 
lugʻatdan izohini topib koʻchiring.

---

Bu topshiriq oʻzlashma soʻzlarning talaffuzi va imlosini oʻzlashtirish hamda 
u haqida tushuncha hosil qilishni maqsad qilgan. Oʻquvchilar berilgan soʻzlarning 
maʼnosini lugʻatdan topib yozishlari lozim. Bunda oʻquvchilar lugʻat bilan ishlash 
barobarida shu soʻz haqida tushunchaga ega boʻlishlariga eʼtibor qaratiladi. 
Leksikografiya. 
Soʻzlarning maʼnosini sinfda muhokama qiling. Ularning oʻzbekcha 
muqobilini oʻylab toping va yozing.
Mazkur topshiriqda oʻquvchilar yuqorida berilgan soʻzlarning maʼnosini 
guruh bilan birgalikda muhokama qilib, ularning izohlarini sharhlashlari lozim. 
Bunda har bir soʻz doskada yoziladi hamda oʻquvchilarning har biridan ushbu 
soʻzlarning oʻzbekchadagi muqobili uchun taklif soʻraladi. Oʻquvchilar taklif qilgan 
muqobil soʻzlarini nima uchun tanlaganliklarini izohlab berishlari lozim.