Rafiyev yengil aòLEÒika va uni o‘QIÒish meòodikasi

Depsinish va g‘ovdan o‘tish.
G‘ovdan 200—220 sm beridan
depsiniladi. G‘ov ustiga o‘tish paytida silkinch oyoq 200 m
ga g‘ovlar osha yugurishdagiga qaraganda yuqoriroq
ko‘tariladi. Gavda g‘ov tomonga faol engashadi. Qo‘llar
harakati 100–200 m ga yugurishdagi kabi. Depsinuvchi oyoq
g‘ov ustidan 200 m ga yugurishdagiga qaraganda yuqoriroq
olib o‘tiladi. G‘ovdan keyin 130— 150 sm nariga oyoq
qo‘yiladi.
G‘ovlar orasida yugurish.
G‘ovlar orasidagi masofani
(35 m) bir xil miqdorda qadam tashlab, tezlikni pasaytirmay
yugurib o‘tish ayniqsa 400 m ga yugurishda qiyin. G‘ovlar
orasidagi masofani eng kuchli yuguruvchilar 13 yoki 15
qadamda yugurib o‘tadilar. Kamroq tayyorgarlik ko‘rgan
yuguruvchilar esa 17, hatto 19 qadamda yugurib o‘tadilar.
Masofa oxirida charchab qolish natijasida, masofani oxiri-
gacha bir xil ma’romda, g‘ovlar orasidagi qadamlar miqdorini
bir xil saqlab yugurib bo‘lmaydi. Bunda g‘ovlar orasidagi
masofalarning ko‘pchiligini 15 qadamda, charchoq paydo
bo‘lgandan keyingilarini esa 17 qadamda o‘tsa bo‘ladi. Ba’zan
yuguruvchilar masofaning yarmigacha g‘ovlar orasini 13

---

211
qadamda yugurib, keyin 15 qadamda yugurib o‘ta bosh-
laydilar.
400 m ga yugurishda g‘ov oldidagi depsinish joyiga aniq
kelish uchun, ko‘zda mo‘ljal olib, qadamlar hisobiga tuzatish
kiritish zarurati bor. Bunday qilish uchun g‘ovlar orasida
yugurish mobaynida qadamlar uzunligi doim tenglashtira
boriladi. Sportchi istagan oyog‘ida birdek depsinaveradigan
bo‘lsa, juda ham soz. Bunda yumshoqroq yo‘lkada, qarshidan
shamol esayotganda va boshqa yugurish ma’romini
o‘zgartiradigan hollarda so‘zsiz unga qulayroq bo‘ladi.
G‘ovlar orasidagi 15 qadamning taxminiy uzunligi (sm):
148, 210, 215, 207, 221, 215, 224, 222, 225, 223, 218, 212,
205, 200, 190 va g‘ovga tomon depsinish 227 sm.
400 m ga yugurganda g‘ovlardan o‘ng oyoqda depsinib
o‘tgan ma’qul, chunki masofa davomida ikki marta burilishda
yugurish kerak bo‘ladi. Chap oyoqda depsinadigan g‘ovoshar
yo‘lkaning tashqari chekkasidan yugurishga majbur bo‘lgani
uchun, u sal bo‘lsa ham ortiqroq yo‘l bosib o‘tishi kerak
bo‘ladi.