Радиоэлектроника асослари муҳаррир — Қ. Азимов

4.27- расм. Диодли детекторда амплитудавий модуляцияланган тебранишни детекторлаш.


Чизиқли детекторлаш режимида схема элементлари нотўғри танланган бўлса, чиқиш кучланишида бузилиш ҳосил бўлади.

4.28-расм. Детекторнинг чизиқ кучланишининг бузилиши.
У 4.28-расмда кўрсатилган. «а» нуқтагача бўлган жараёнларда конденсатор кучланиши кириш кучланишининг қопловчи чизиги қонунини такрорлайди. Лекин «аб» қисмда конденсатор кучланиш ўзгаришини сезмай колади ва бузилиш вужудга келади. Унинг ҳосил бўлмаслиги учун ҳамма вақт диод ёпиқ бўлганда кон­денсатор кучланишининг ўзгариш тезлиги кириш кучла­ниши қопловчи чизиғи ўзгариш тезлигидан етарлича
катта бўлиши керак, яъни .
Бошқача қилиб айтганда, детекторнинг нагрузкаси юқори частотали тебраниш учун инерциал, паст частотали тебраниш учун эса, инерциал бўлмаслиги керак. У қуйидагича ифода­ланади:
T_ω«τ«T_Ω (4.45)
Бунда Т_ω — ташувчи тебранишнинг даври,
Т_Ω— модуляцияловчи тебраниш даври,
τ = R_нC — нагрузка занжирининг вақт доимийси.
Диодли детекторнинг паралель схемаси 4,25б- расмда кўрсатилган. Ундаги физик жараёнлар кетма-кет детектордагидан кўп фарқ қилмайди. Асосий фарқи шуки, схемадаги конденсатор фақат нагрузка резистори орқали эмас, балки схема киришидаги тебраниш контури (расмда кўрсатилмаган) орқали ҳам зарядсизланади. Ундан ташқари, диод нагрузка резисторига параллел бўлгани учун ундаги кучланиш чиқиш кучланиши би­лан бир хил бўлади. Бу деган сўз занжир чиқишида фақат модуляцияловчи тебранишнинг кучланиши эмас, юқори частотали тебранишнинг кучланиши ҳам кузатилади (4.27-расм). Шунинг учун радиоприемникларда диодли детекторнинг параллель схемаси қўлланилса, спектрдаги юқори ва қуйи частотали тебранишларни ажратиш чораси кўрилиши зарур бўлади.


4.18. Частотавий модуляцияланган тебранишлар детектори


Частотавий модуляцияланган (ЧМ) тебранишларни детекторлаш ҳам чизиқли бўлмаган занжирларда амал- га оширилади. Лекин чизиқли бўлмаган элементлар фақат амплитуда ўзгаришларинигина сезиб, частота ўзгаришларини қайд этмаганликлари учун ЧМ тебраниш­ларни детекторлаш занжирида шундай элемент бўлиши керакки, унинг чиқиш кучланиши вақт бўйича модуляцияловчи тебраниш қонуни бўйича ўзгариб, ташувчи тебранишнинг частотасига боғлнқ бўлмаслиги керак. Бундай занжирлар частотавий де- декторлар деб аталади. Уларга тебраниш конту­ри созланмаган детектор ва частотавий дискрими- ниаторлар мисол бўлади. 4.29- расмда тебраниш контури созланмаган детекторнинг содда схемаси кўр- сатилган.