Радиоэлектроника асослари муҳаррир — Қ. Азимов

5.3. Кучайтиргичнинг иш режимлари


Кучайтиргичларнинг бошқарувчи элемента чизиқли бўлмаган элемент бўлгани учун кучайтириладиган сиг­нал бузилишга учрайди. Чизиқли бўлмаган бузилишларнинг бўлиши ёки бўлмаслиги сигнал амплитудасининг катталигига ва бошлангич ишчи нуқтанинг нагруз­ка чизиғида танланиш ўрнига боғлиқ. Шунга кўра уларнинг иш режими 3 та асосий турга эга: А, В ва С режимлар. Кучайтиргичнинг бу иш режимлари кучай­тириш синфлари деб ҳам аталади. Улар гармоник тебранишлар учун сон жиҳатдан кесиш бурчаги орқали характерланади.
Кучайтиргичнинг А иш режимида бошланғнч ищчи нуқта кучайтирувчи элемент динамик характеристика- сининг тўғри чизиқли қисмига жойлашган бўлиб, кириш кучланишининг таъсири давомида шу қисмдан чиқиб кетмайди. Бу 5.5-расмда биполяр транзисторнинг УЭ уланиш схемасининг ўтиш характеристикаси мисолида тасвирлаб берилган.

5.5-расм. Кучайтиргичнинг А иш режими.


Ундан коллектор токи ўзгаришининг кириш кучланишига мос бўлиши, амплитудасининг I_ко ўзгармас ташкил этувчи токдан кичиклиги кўринди. Шунинг учун кесиш бурчаги Θ=180° бўлиб, чиқиш сигналининг шакли кириш сигналиники билан мос ту-
шади, яъни чизиқли бўлмаган бузилишлар кузатилмайди. А—режимда кучайтиргичнинг киришига сигнал таъсир этса ва этмаса ҳам манбадан кўп энергия сарф бўлади, чунки I_ко ток катта қийматга эга. Шунинг учун бу режимнинг фойдали иш коэффициенти жуда кичик (η<50%). Бу унинг камчилигидир.
В иш режимда бошланғич ишчи нуқта ўтиш харак- теристикаеининг бошланиш нуқтасида (очилиш потен- циалига тенг) жойлашган бўлади (5.6-расм).

5.6-расм. Кучайтиргичнинг В иш режими.


Шунинг учун ўзгармас ташкил этувчи I_ко ток нольга тенг (иде­ал ҳолда) бўлиб, кириш сигналининг ярим даврларидагина транзистордан ток ўтади (Θ=90°). Натижада ку­чайтиргичнинг фойдали иш коэффициенти 80% гача етади. Лекин чизиқли бўлмаган бузилишлар жуда кат­та бўлади.
Кучайтиргичнинг фойдали иш коэффициентини яна- да орттириш учун С иш режимга ўтилади. Унда бош- ланғич ишчи нуқта ёпилиш потенциалидан ҳам ичкари- роқда танланади (5.7-расм, С нуқта).