Radiobiologiya

birlamchi  reaksiyalar

  fazasi, 

yolg'on  sog'ayish

  (latent  yoki  yashirin  faza), 

xastalikning avj olish

 fazasi va nihoyat 

sog'ayish 

fazasi. 

Birlamchi o'zgarishlar fazasi, organizmning yutgan dozasi 2 J/kg dan oshganda  

nurlanishdan keyingi dastlabki minut va soatlarda  ishtahaning yo'qolishi, ko'ngil 

aynishi, qayd qilish, bosh og'rig'i va umumiy darmonsizlik tarzida namoyon bo'ladi.  

Nisbatan  yuqori dozalarda bu o'zgarishlarga qon bosimining  keskin  kamayishi 

bilan  karaxtlikka  o'xshagan  holat,  qisqa  muddatli  o'zidan  ketish,  subfibril  harorat, 

oshqozon  -  ichak    yo'llaridagi  izdan  chiqish,  nerv  -  reflektor    faoliyatlardagi 

buzilishlar,  qon  tarkibining  o'zgarishi  va  ilikdagi  qon  hosil  qiluvchi  hujayralar 

sonining  o'zgarishi  qo'shiladi.  Yutilgan  nur  dozasi  3  J/kg  dan  oshganda,  moddalar 

almashinuvi jadalligi  ortadi, gidrolitik fermentlar faollanadi, qonda qand va bilirubin 

---

 

49

miqdori  ortib,  xloridlar  miqdori  kamayadi,  siydikda  boshqa  metabolitlar  bilan  bir 

qatorida, kreatin miqdori oshib ketadi. Bu xil o'zgarishlar bir necha kun davom etadi. 

Yolg'on  sog'ayish  davri  yuqorida  sanab  o'tilgan  belgilarning  (simptomlarning) 

yo'qolishi bilan xarakterlanadi. Bu fazaning muddati yutilgan doza kattaligiga teskari 

munosabatda  bo'lib,  yutilgan  doza  10  J/kg  dan  oshganda  bu  faza,  umuman  qayd 

etilmaydi. Tuban dozalar holida bu davrida, qon hosil qiluvchi sistemalar -  ilik, qora 

taloq,  limfoid  to'qimalarning  zararlanishi  yuz  beradi.  Qonda  neytrofillar  soni 

kamayadi, keyinroq trombotsit va retikulotsitlar ham kamayadi. Gonad atrofiyalanadi, 

spermatogenezning dastlabki  bosqichlari susayadi.  Bu  fazada nevrologik  simptomlar 

yo'qoladi. 

Navbatda,  latent  faza  rasmiy  xastalik  fazasi  bilan  almashinadi.  Bemorning 

ahvoli  keskin  yomonlashadi,  tana  harorati  ko'tariladi,  darmonsizlik  avj  oladi.  Bu 

fazada  yo  nur  xastaligi  simptomlarining  to'la  kompleksi  yoki  simptomlarning  ayrim 

kompleklari  namoyon  bo'ladi.  Barcha  biokimyoviy  va  fiziologik  jarayonlar  buziladi. 

Gemorragik (qon qo'yilish) sindrom asosiy o'ringa chiqadi.  Mazkur sindrom  terining 

kuchli  qizarishi,  oshqozon  -  ichak    yo'llarida  katta  miqdorida  qon  qo'yilishi,  yurak, 

bosh miya va o'pkalarda qon ketishi bilan kechadi. Qonning hujayraviy tarkibi keskin 

o'zgaradi.  Qonda  faqat  limfotsitlar  qolib,  boshqa  oq  qon  tanachalari  yo'qoladi  yoki 

ularning  soni  keskin  kamayib  ketadi.  Kamqonlik  avj  oladi.  Xastalikning  avj  olish 

davrida oshqozon - ichak yo'llari, jigar, buyrak, jinsiy organlar, teri, yurak hamda nerv 

va endokrin sistemalar faoliyati buziladi.  

Yutilgan doza kattaligiga bog'liq holda, navbatda yo so'ngi daqiqa (o'lim) yoki 

agar yutilgan doza 7 J/kg dan oshmasa, sog'ayish davri boshlanadi. Yutilgan doza 10 

J/kg  dan  oshib  ketganda  xastalik  shunchalik  tez  avj  oladiki,  uning  fazalarini  ajratib 

bo'lmaydi. 

Sog'ayish fazasi 1 - 2 oy davom etishi mumkin. Bunda qayd etilgan simptomlar 

yo'qolib, organ, sistemalar faoliyati asta - sekin tiklanadi. Ammo, ba’zi bir simptomlar 

saqlanadi.  Masalan,  reproduktivlik  faoliyat  har  doim  ham  tiklanavermaydi,  soch 

to'kilish esa avj oladi.  

Agar  organizmning  ayrim  qismlari  nur  ta’siriga  yo'liqqan  bo'lsa,  u  holda, 

nurdan  zararlanish  yutilgan  nur  dozasi  va  nur  ta’siriga  yo'liqqan  organning  tabiatiga 

bog'liq holda har xil bo'ladi. Yutilgan doza katta bo'lsa, nurlantirilgan organning qaysi 

bir  organ  bo'lishidan  qat’iy  nazar,  bari-bir  halokat  ro'y  beradi.  O'rtacha  dozalarda 

radiatsiyaga  eng  sezgir  organlar  -  bu  qorin  bo'shlig'i  organlari,  ya’ni  ichaklarning 

ma’lum qismi, ilik va qora taloq hisoblanadi. 

Yutilgan  nur  dozasi  10  -  100  Gr  oralig'ida  bo'lganda,  sutemizuvchilarning 

yashash  muddati,  dozaga  bog'liq  bo'lmagan  holda,  3,5  sutkani  tashkil  etadi 

(Rayevskiy  effekti  -  Oshqozon-ichak  sindromi).  Doza  100  Gr  dan  oshganda  hayvon 

dastlabki bir necha soat yoki bir necha kundan so'ng halok bo'ladi. Sindrom - serebral 

sindrom nomi bilan  yuritiladi. Bunda markaziy nerv sistemasining faoliyati butunlay 

ishdan chiqadi. 

---

 

50

Agar yutilgan doza 1000 Gr dan oshib ketsa, hayvon shu zohatning o'zida halok 

bo'ladi (nur tagidagi o'lim). Bunday halokat "molekulyar o'lim" deb ham atalib, bunda 

organizm makromolekulalarining yoppasiga strukturaviy buzilishi ro'y beradi.