Radio jurnaliSTİKA

82
VII BÖLÜM
RADİO PRODÜSERLİK /
VERİLİŞLƏRİN EFİRƏ HAZIRLANMASI
Proqram müdriyyəti
Tamamlanmış proqram ssenari ilə birlikdə təsdiq 
edilmək üçün göndərilir və əgər razılıq alınsa, onda 
həmin verilişin yayımlanmasına icazə verilir.
İnternet səhifə
Stansiyanın əsas heyəti proqramın İnternetdə necə 
təqdim olunacağı haqqında düşünməli və onun 
hansı resurslara aid olacağı barədə qərar verməlidir. 
Şübhəsiz ki, burada audioçıxışlar yayımın bir hissəsidir 
və kabelli radio stansiyaların çoxu da İnternetdən 
yeganə yayım vasitəsi kimi istifadə edirlər. 
Səhifənin mürəkkəbliyi informasiyanın ölçüsündən və 
ya əlaqəli səhifələrin sayından deyil, səhifədə olanların 
dəyişmə tezliyindən asılıdır. Mürəkkəbliyin artması ilə 
artan işlər və xərclər aşağıdakı kimi qruplaşdırılır:
1. Stansiyanın adı, loqotipi, tezliyi, ünvanı, əhatə 
dairəsi və məqsədi kimi detalların qeyd olunduğu 
bir statik səhifə. Nadir hallarda yenilənməyə 
ehtiyac olur. 
2. Vaxtaşırı yenilənən, məsələn, həftəlik cədvəldəki 
dəyişiklikləri göstərmək üçün olan səhifə. Burada 
reklam da yer ala bilər. 
3. Son xəbərləri və hava proqnozlarını vermək üçün 
davamlı olaraq dəyişən və məlumatlarla yanaşı, 
müxtəlif mətnlər, şəkillər və simvollar istifadə edən 
səhifə. 
4. Son xəbər bülletenləri və yeniliklər, stansiya reklam 
və elanlarını təqdim edən İnternet səhifələri.
5. Davamlı canlı audio çıxışların təmin edilməsi. 
6. Studiyaların canlı kamera çıxışlarına, son verilişlərin 
yenidən dinlənməsinə və istənilən vaxtda 
istifadəçilərlə yazılı müzakirə aparılmasına şərait 
yaradan tam interaktiv səhifə.
İnternet səhifələrin dizaynında heç bir məhdudiyyət 
yoxdur. Ona aparıcı səhifələrə əlaqə xətləri, son 
xəbərlərin şəkilli və səsli formatı, yüklənə bilən 
proqramlar, stansiyaya səyahət, pəncərədən yola və ya 
havaya baxan veb kameralar, xüsusi elanlar, hadisələr, 
iş və ya maşın elanları, musiqi siyahıları, ifa olunan 
musiqinin detalları, məsləhət axtaran suallar, məsləhət 
olunan səhifələr və s. daxildir. 
Ana səhifənin dizaynı nə qədər çox mürəkkəbdirsə, 
məsələn, çoxlu şəkillər və qrafiklərdən ibarətdirsə, 
o səhifənin yüklənməsi də daha çox vaxt alacaq. Bu 
isə izləyicinin səbirsizlənməsinə və həmin səhifəni 
bağlamasına səbəb olacaq. Bu baş versə, həmin izləyici 
yenidən o səhifəyə çətin ki, bir daha daxil olsun. Buna 
görə də ana səhifəni daha sadə hazırlamaq lazımdır, 
orada əsas məlumatlar və menyu, əlaqə informasiyaları 
qalın hərflərlə yazılmalı və arxa fon tünd rəngli 
olmalıdır. 
Məlumatların daxil edilməsi – mətn, qrafik və audio– 
bahalı proses deyil, amma onun dəyişilmə sürəti nə 
qədər böyük olsa, xidmət təminatçısı ilə əlaqə daha 
sürətli və bahalı olmalıdır. Veb səhifəni yaratmazdan 
əvvəl veb-usta digər radio veb-səhifələrinə baxmalı, 
lazım gəldikdə xərclər haqqında danışıqlar aparmalı və 
mütəxəssislərlə məsləhətləşməlidir.