Radikulit kasalligi

Mavzu: Radikulit kasalligi

REJA:

1. 
   Radikulitning rivojlanishi va sabablari
   
2. 
   Radikulitning alomatlari va turlari
   
3. 
   Radikulitni tashxislash va davolash
   
4. 
   Radikulit parhezi
   

Radikulit (radikulopatiya) — orqa miya ildizchalarining shikastlanishida namoyon bo’ladigan simptom. Zamonaviy fan «radikulit» so’zini deyarli ishlatmaydi, amalda faqat radikulopatiya atamasi qo’llaniladi. Atamalar orasidagi farq kichik, ammo muhim sanaladi. «Radikulit» ma’lum bir mustaqil kasallikni — orqa miya asab tolalari ildizchalarini yallig’lanishini anglatadi (lotincha radicula — «ildiz» va itis — yallig’lanish). Ammo aslida, asab tolalari o’z-o’zidan yallig’lanmaydi. Bu faqat organizmda mavjud bo’lgan ba’zi boshqa kasalliklar yoki buzilishlarning asorati bo’lishi mumkin. Shuning uchun radikulopatiya, ya’ni ba’zi bir umumiy sabablarga ko’ra kelib chiqqan asab ildizchalari patologiyasi aniqroq tushuncha sanaladi. Ammo soddaroq bo’lishi uchun keyingi o’rinlarda «radikulit» so’zidan foydalaniladi. Shu bilan birga bu holat asab yallig’lanishi bilan chegaralanmasligini tushunish kerak. Nerv tizimi xastaliklari ichida radikulit (orqa miyaning nerv ildizlari va ulardan ketadigan nerv tolalari kasalligi) asosiy o‘rinda turadi. Bu dardga, ayniqsa, 30-50 yoshdagi kishilar ko‘proq chalinadilar.