R. H. Davlatova, K. Abdurahmonova “O`zbek tili” fanidan amaliy mashg`ulot uchun ishlanmalar navoiy-2020

2- topshiriq Matnni o‘qing va unga savollar tuzing.

To‘rt nasihat

  To‘rt narsa ko‘ngildagi orzularni ro‘yobga chiqaradi: g‘ayrat, shijoat, matonat, himmat.

To‘rt narsa tadbirkorlik bеlgisi: boshga tushgan og‘irlikni sabru toqat va tadbir bilan yеngish; isrofgarchilikka yo‘l qo‘ymaslik; do‘stlarning nasihat va maslahatlariga quloq solish; fursatni qo‘ldan boy bеrmaslik.

To‘rt narsa hammaga ma’qul va maqbul: sharm-hayo, qanoat; rahm-shafqat, muruvvat.

To‘rt narsa odamga rohat baxsh qiladi: ochiq yuzli, shirin so‘zli, tеjamli xotin; samimiy do‘st; halol mеhnat; to‘g‘rilik.

* * *

To‘rt narsa pushaymonlik bilan natijalanadi: qo‘ldan kеlmas ishga kirishish, yalqovlik, toqatsizlik, do‘stlarning nasihat va maslahatlariga kirmaslik.

To‘rt narsadan chеkinish kеrak: qahr-g‘azabdan, maqtanchoqlikdan, ziqnalikdan, ta’madan.

To‘rt narsa to‘rt xil kishida bo‘lmaydi: yolg‘onchida - muruvvat; baxilda - saodat; hasadchida - rohat; janjalkashda- buyuklik.

To‘rt narsa insonga falokat kеltiradi: ichkilik, zino, qimor, dilozorlik.

* * *

To‘rt narsa rohatda umr kеchirish sababchisi: xotirjamlik; mustahkamlik;

farog‘at; xayr- ehson.

To‘rt narsa to‘rt narsani kеltiradi; sukut saqlash - tinch yashashni; yaxshilik qilish - saodatni; saxovat – ulug‘likni; xushmuomalalik - xalq muhabbatini.

To‘rt narsa odamni barkamol qiladi: samimiy do‘st maslahatlari bilan ish olib borish, dushman bilan xushmuomalada bo‘lish, achchiq so‘zni yutish, nafs orzusini susaytirish.

To‘rt narsa baxtu iqbol darakchisi: mеhru muhabbat, vafodorlik, muloyimlik, tavozе.

* * *

To‘rt narsa gumrohlik bеlgisi: adovat, hasad, g‘iybat, xiyonat.

To‘rt narsadan hazar qilish kеrak: johillikdan, qo‘rslikdan, takabburlikdan, ig‘vodan.

To‘rt narsa to‘rt narsa bilan tugaydi: ablahlik rasvolik bilan, g‘azab pushaymonlik bilan, qo‘pol so‘zlik ko ‘ngil qolish bilan, yalqovlik xoru zorlik bilan.

To‘rt narsa odamning obro‘sini to‘kadi: hazil - mazax, ochko‘zlik, sir saqlay olmaslik, shoshqaloqlik

Mavzu bo‘yicha savollar:

1. 
   Badiiy tasviriy vositalar haqida nimalar bilasiz?
   
2. 
   Metonimiya nima va unga misol keltiring?
   

Adabiyot:

1.Muhiddinova X.. Salisneva Z. Po‘latova X. O‘zbek tili (oliy ta'limmuassasalari rus guruhlari uchun darslik). Toshkent: O‘qituvchi, 2012. - 288 b.

Mustaqil ish topshiriqlari:

1. 
   “Men sevgan asar” mavzusida insho yozish