Р е ж а: Суйиладиган хайвонларни гўшт корхоналарига қабул қилиш

Тана гўштини нимталаш

Нутровка жараёни тўхтатилгандан сўнг, тананинг оғирлиги 50кгдан ортиқ бўлса, тана икки қисимга бўлакланади.

Бундай бўлакларга, бўлаклаш кўпгина қулайликлар келтиради яъни: биринчидан ветеринария экспертиза ишини енгиллаштиради, баъзи кўринмай қоладиган лимфа тугунларини ажратиб олиш мумкин бўлади, иккинчидан тана тез совийди ва музлайди, учинчидан музхонага жойлаштиришда кам жой эгаллайди, тўртинчидан гўшт танасини бир жойдан, иккинчи жойга олиб боришда ортиш ва тушириш осонлашади.
Танани нимталашдан олдин умуртқа бўйлаб мускуллари чуқур қилиб кесилади, кейин эса чопқи ёки электр арралари ёрдамида икки қисмга ажратилади.
Танани иккига бўлишда умуртқа суягини тўғри кесиш майдаланиб кетмаслигига алохида эътибор бериш керак.


Танани нимталанган яримтанани тозалаш

Бу жараён гўшт танасини ёки нимтасини яхши товарлилик кўринишига олиб келади. Агар бутун қассобчилик ишини 100 балл билан баҳоласа, шундан 50 балли тозаланганлигига қараб берилади.

Қорамол танасини, ярим танасини тозалаш икки хил бўлади қуруқ ва ҳўл.
Кўп ҳолларда қуруқ йўл билан тозаланиб, бунда танани булғанган жойлари, тўқима орасида қотиб қолган қон ва ҳар хил қон уютмалари бўйин атрофидаги тўқималарни қони тозаланади. Диафрагмани олишда қолган, нотўғри ҳар хил кесилган мускул тўқимасидан ва ёғлардан тозаланади. Танани тозалаш пайтида буйрак ва буйрак атрофи ёғи ва орқа мия ажратилади ва думи кесиб олинади.
Ҳўл йўл билан тозалаш учун 30-40⁰с ли сув ишлатилиб, бунда танани устки қисми ифлосланган бўлса тозаланади. Танани ювишда босим остидаги шлангдаги сув ишлатилади, бундан ташқари, ювиш учун ҳўл ўтдан ёки капрондан қилинган шёткалар ҳам ишлатилади. Тана ювилгандан кейин тоза сочиқ билан артилади ёки пичоқни ўтмас томони билан юқорига ва пастга ҳаракатлантириб сийириб ташланади. Танани ёки ярим танани ҳеч қачон ҳўл латта ёки мачалка билан ювиш мумкин эмас, сабаби бундай ҳаракат билан, бутун танага микробларни суртиб чиқиш мумкин, бу эса гўштга микробларни кўпайтириб, бундай гўштни узоқ сақлаб бўлмайди.
Тана ёки ярим тана тозалангандан сўнг муҳрланиб тарозига тортилади ва совитиш камерасига жўнатилади.
От, туя ва бошқа йирик ҳайвонларни танасини қайта ишлаш худди қорамолларники сингари амалга оширилади.