Р е ж а: Суйиладиган хайвонларни гўшт корхоналарига қабул қилиш

Қўйни танасини қайта ишалаш

Қўйлар ҳушсизлантирилгандан кейин ўнг оёғидан боғланиб элеватор ёрдамида конвейрнинг йўлига кўтарилади ва қонсизлантирилади.

Сўнгра бўш чап оёғининг териси тирноғи ёнидан ҳалқа шаклда кесилиб, шу жойдан териси сакраш бўғимигача ва оёқнинг ички томони думигача тилинади, кейин эса сакраш бўғимидаги пайлар кесилиб, оёқнинг пастки қисми тана ва теридан тирноқ билан бирга ажратилади. Кейин эса оёқни ахил пайидан илмоқ ўтказилиб у конвейер йўлига осилади.
Сўнг иккинчи оёқ териси шилиниб юқоридаги каби осилади. Терини танадан ажралишини осонлаштириш учун олдинги оёқлар тирноқ қисмидан иккинчи илмоққа ўтказилади ва релсли йўлга осилади. Шу тариқа қўйнинг танасини ва бўйин қисмлари юқорига кўтарилади. Кейин эса бўйин энса суяги билан биринчи бўйин умуртқаси оралиғидан кесилиб, боши танасидан ажратилади. Сўнгра олдинги оёқларини териси юқорида кўрсатилган тартибда шилиниб, қорни устидаги оқ чизиқдан териси бўйнининг кесилган қисмигача тилинади ва қорин, тўш ҳамда бўйин соҳалари пичоқ билан тозаланади. (шилинади).
Олдинги оёқлари илмоқдан чиқарилиб олинади. Кейин сон қисмидаги тери шилинади.
Забеловкада қўйни танасидаги терини 40-75% пичоқ билан ажратилади. Терини забеловкадан қолган қисми механик усулда олинади. Бунда агрегатда териси думдан бошлаб бўйинга томон шилинади.