Р 38 р 38 О. Д. Раҳимов, И. Х. Сиддиқов, М. О. Муродов. Ҳаёт фа

3.1.3. Меҳнатни муҳофаза қилиш ва меҳнат 
хавфсизлигини бошқариш 
 
Ўзбекистон Республикаси Вазирлар Махкамасининг 7 ноябрь 
1994 йилидаги 538-сонли қарорига асосан корхоналарда 
меҳнатни муҳофаза қилиш давлат бошқарувига ўтказилди ва бу 
масалада бош мўтасадди қилиб Меҳнат Вазирлиги тайинланди. 
Кейинчалик Вазирлар Маҳкамасининг 16 феврал 1995 йилдаги 
58-сон қарори билан меҳнат вазирлиги қошида «Меҳнатни 
муҳофаза қилиш бошқармаси» тузилди. Бу бошқарманинг 
вазифаси республикамиздаги корхона ва муассасаларда меҳнат 
хавфсизлигини таъминлаш билан боғлиқ бўлган барча ташкилий 
ва техникавий муаммоларни ўз вақтида ечилишини назорат 
қилиш ҳамда хавфсизлик мезонларини муҳокама қилиш ва 
тасдиқлаш жараѐнида иштирок этишдан иборатдир. 
Меҳнат хавфсизлиги хизматини бевосита ташкилотнинг 
бош раҳбари бошқаради. Унга амалда бу хизматни ташкил этиш 
учун унинг ѐрдамчиси ва асосий мўтасадди шахс сифатида 
техника хавфсизлиги муҳандиси тайинланади ва унга ҳамкорлик 
учун кўп йиллик иш тажрибасига эга бўлган муҳандис ва техник 
ходимлар, меҳнат жамоалари ва касаба уюшмаси қўмитаси 
томонидан меҳнатни муҳофаза қилиш бўйича ўзлари сайлаган 
вакиллари жалб этилади. 
Меҳнат хавфсизлиги хизматининг асосий вазифаси ишлаб 
чиқаришда содир бўладиган жароҳатланиш ва бошқа 
бахтсизликларни келтириб чиқарадиган сабабларни бартараф 
қилиш ва ташкилот маъмуриятининг ишчи-хизматчиларга иш 
шароитини яхшилаб бориши устидан назорат қилиб туриш, фан 
ва техника ютуқларини жорий қилиш асосида меҳнат 
хавфсизлиги 
ва 
ҳимоя 
воситаларини 
муттасил 
такомиллаштириш, 
меҳнат 
маданиятини 
ошириш, 
бахтсизликларни олдини олишга қаратилган ташкилий ва техник 
ҳамда санитария тадбирларини ишлаб чиқиш ва уларни жорий 
қилишдан иборатдир. 
Меҳнат хавфсизлигини бошқариш тизимининг бирдан-бир 
мақсади, меҳнат муҳофазаси қонун ва қоидаларига ишчи ва 
хизматчилар эътиборини ошириш, соғлом ва хавфсиз иш 
шароитини яратишни ягона, тўғри ечимини аниқлаш ва уни 
ишлаб чиқаришда татбиқ этишга тавсия қилишдир.

---

59 
Меҳнат хавфсизлигини бошқариш – бу бир қатор, 
ташкилий, техникавий ва санитар-гигиеник ва иқтисодий 
тадбирлар тизимини тайѐрлаш ва амалда жорий қилиш асосида 
амалга оширилади.