Qushlar uchun shinam uy quramiz

Кутилаётган натижа:

• Болалар битта ва кўпни фарқлашни ва буни нутқда ифодалашни ўрганадилар.

Керакли жиҳозлар:

• Ўйинчоқлар — 4 та хўроз, 4 та ўрдак, 5 та кубик ва б. (4 — 5 хил ўйинчоқлардан фойдаланиш мумкин.)

• 2 та гулдон, оқ ва қизил гуллар.

Машғулотга тайёргарлик:

• Машгулот бошлангунча тарбиячи ўйинчоқларни столларга қўйиб чиқади. Дераза олдига иккита гулдон қўяди, биттаси бўш, иккинчисида қизил ва оқ гуллар бўлади (болалар нечта бўлса гул шунча бўлиши керак).

Машғулотнинг боригаи:

Тарбиячи болаларнинг эътиборини столларга қўйиб чиқилган ўйинчоқларга қаратади, қайси столда қандай ўйинчоқ борлигини ва нечта эканлигини айтишни сўрайди. Болалар ўйинчоқнинг номини ва қанча эканлигини айтадилар. Кейин бажаришлари керак бўлган топшириқни тушунтиради: Бугун сизлар, мен қанча ўйинчоқ олиб кел, десам шунча ўйинчоқ олиб келишни ўрганасизлар. Агар 1 та ўрдакча олиб келинг десам, битта ўрдакча турган стол ёнига бориб, ўрдакчани олиб келиб, менинг столимга қўясизлар. Мана бундай қилиб (кўрсатади) ва айтасизлар: «Мен битта ўрдакча олиб келдим». Агар мен кўп хўрозларни олиб келинг десам, сизлар кўп хўрозлар қаерда турганлигини топасизлар ва олиб келиб столга қўясизлар ва «Мен кўп хўрозлар олиб келдим», деб айтасизлар». Тарбиячи бир болага битта хўроз олиб келишни, иккинчи болага кўп ўрдаклар олиб келишни ва қанча олиб келганлигини айтишни ўргатади. Болалар қанча ва қандай ўйинчоқ олиб келганлигини айтадилар. Агар бола қийналса, қўшимча саволлар берилади: «Сиз нима олиб келдингиз? Ўрдаклар қанча?» Тарбиячи бир боладан стол устида нималар турганлигини сўрайди. («1 та хўроз ва кўп ўрдаклар. Нима кам, хўрозми, ўрдакларми?») Тарбиячи столга олдин 1 та хўроз ва 1 та ўрдакни қўяди ва сўрайди: «Болалар, қаранглар, столнинг устида ўрдак ва хўроз нечтадан?» Болаларнинг жавобини умумлаштирган ҳолда тенг сўзини алоҳида интонация билан такидлайди: «Тўғри ўрдак ва хўроз биттадан— уларнинг сони тенг». Сўнг столга 4 та хўроз ва 4 та ўрдакни жуфт —жуфт қилиб қўяди ва ўрдаклар билан хўрозларнинг сони бир хил—тенг эканлигини тушунтиради: «Ўрдаклар қанча бўлса, хўрозлар ҳам шунча».