Quritish murakkab issiqlik massa almashinish jarayoni hisoblanib, u o‘simlik mahsulotlari xom-ashyosidan tayyorlangan mahsulotlarni samarali saqlash imkonini beruvchi qayta ishlash usullaridan biri hisoblanadi

3. Quritilgan kartoshka, sabzavot va mevalarning boshqarilmaydigan rejimli omborlarda saqlash muddatlari. Saqlanayotgan quritilgan mahsulotlarning sifati mikroorganizmlar va zarurkunandalar ta’sirida ham buzilishi mumkin. Mahsulotni saqlashda saqlash omboridagi havoning nisbiy namligi ham muxim o‘rin tutadi. Quritilgan meva-sabzavotlar o‘ta gigoskopik mahsulot bo‘lganligi sababli, saqlashda havodagi namlikni imkoniyat yaralganda o‘ziga tortib oladi va buzilishning boshlanishi uchun zarur namlikga ega bo‘lganidan so‘ng ular tarkibida bakteriyalar, achitqilar va mog‘orlarning salbiy faoliyati boshlanadi. Shuning uchun quritilgan mahsulotlarni germetik bo‘lmagan idishlarda saqlashda ombordagi havoning nisbiy namligi 75% dan, sabzavotlarni germetik idishlarda saqlaganda esa 85% dan oshmasligi maqsadga muvofiqdir. Shu bilan birgalikda quritilgan meva-sabzavotlar quyosh nuri ta’sirida o‘z rangini o‘zgartirishi mumkinligini inobatga olib, mahsulotlar qorong‘i joylarda yoki nur o‘tkazmaydigan idishlarda saqlanadi.
Quritilgan meva-sabzavotlarni saqlash rejimlari ikki parametrlar bilan tavsiflanadi: saqlash omboridagi havoning harorati va nisbiy namligi bilan. Saqlash omborlarining o‘zi esa saqlash rejimlarini boshqariladigan va boshqarilmaydigan holatlari bilan farqlanadi. Saqlash rejimlari boshqariladigan omborlarga esa belgilangan harorat va havoning nisbiy namligini ta’minlab beruvchi uskunalar bilan jixozlangan omborlar yoki sovutkichlar kiradi.
Omborlarda harorat va havoning nisbiy namligini nazorat qilish uchun mahsus termometrlar va psixometrlardan foydalaniladi. Ular omborning turli joylarida poldan 1,5 metr balanlikda joylashtiriladi, hamda asboblar ko‘rsatkichi bir kunda ikki marotaba ( soat 800 da va 1700 da) olinib, maxsus jurnalga qayd etiladi.

TAVSIYA ETILGAN ADABIYOTLAR RO‘YXATI
1.Ching Lik Hii, Sachin Vinayak Jangam, Choon Lai Chiang and Arun Sadashiv Mujumdar. Processing and Drying of Foods, Vegetables and Fruits. Copyright © 2013 by authors of individual chapter
2. Bo‘riyev X.Ch., Rizayev R. “Meva, uzum mahsulotlarni biokimyosi va texnologiyasi”, Darslk - T.: Mehnat, 2000. -109 b.
3. Bo‘riyev X. Ch., Jo‘rayev R., Alimov O. “Meva sabzavotlarni saqlash va daslabki ishlov berish”, Darslik - T.: Mehnat, 2002. -183 b.
4. Shaumarov X.B. Islamov S.Ya. “Qishloq xo‘jaligi mahsulotlarini saqlash va birlamchi qayta ishlash texnologiyasi”, O‘quv qo‘llanma - Toshkent, 2011.-180 b.
5. Dodayev Q.O.Konservalangan oziq-ovqat mahsulotlari texnologiyasi T.- “NOSHIR”, 2009.