Qurilishda marketing tushunchasi va mohiyati

Qurilishda mehnat bozori marketingi maqsadi, vazifalari va funksiyalari
Qurilishda mehnat bozori marketingining asosiy maqsadi - sohadagi kadrlar etishmovchiligini, malaka talablarini, sohaning kadrlar qo‘yiladigan demografik omillarga tegishli takliflari (yoshi, jinsi)ni o‘rganish, tadqiq etish, vaziflarni belgilash, ularni amalga oshirishni rejalashtirish va rejalarni bajarishdan iboratdir.
Qurilishda mehnat bozori orqali quyidagi asosiy vazifalar bajariladi:

• 
  ishchi kuchiga talab va taklifning hajmi, tarkibi va nisbatini shakllantirish;
  
• 
  bozor uslubida xo‘jalik yuritishining iqtisodiy, ijtimoiy va huquqiy mexanizmlari yordamida ishchi kuchiga talab va taklifni tartibga solish;
  
• 
  mehnat resurslarining oqilona bandligini ta’minlashga bevosita ta’sir ko‘rsatish;
  
• 
  ishsizlar ish topishiga, ularning malakasi va raqobat qobiliyatini oshirishga ko‘maklashish;
  

• 
  ishlab chiqarish xarajatlarini qisqartirish va mehnat taqsimotini o‘zgartirish. ishchi kuchini zamonaviy ehtiyojlarga asosan takror ishlab chiqarishni ta’minlashga ko‘maklashish;
  
• 
  ishchi kuchini iqtisodiyot tarmoqlari va hududlar o‘rtasida taqsimlanishi va qayta taqsimlanishini ta’minlash;
  
• 
  ishchi kuchining mobilligi, ya’ni harakatchanligini faollashtirish;
  
• 
  mehnat unumdorligini o‘stirishga rag‘batlantirish;
  
• 
  mehnatga layoqatli aholining ish bilan ta’minlanishi orqali aholi daromadlari va turmush darajasini o‘stirish.
  

Mehnat bozoridagi ishchi ish beruvchilarga bilim, ko‘nikma, qobiliyat va malakasiga mos ish kuchining narxini taklif etadi. Xodimning bu narxga bo‘lgan talabi qanchalik yuqori bo‘lsa, ish beruvchilardan unga bo‘lgan talab shunchalik kam bo‘ladi. Mehnat bozorida ish beruvchi past ish haqi taklif etsa, taklif etilgan ish bajarish uchun ishchilar kamroq qiziqadi. Shu nuqtai nazardan, qurilish sohasining zamonaviy mehnat bozorida mehnat-profitsiti holatini belgilash mumkin, chunki takliflar ham ishsizlar ham ko‘pdir.