Qurilishda marketing tushunchasi va mohiyati

Noratsional talab sharoitida aksilmarketing turi qo‘llaniladi va ushbu ko‘rinishdagi talabni kamaytirish yoki butunlay bartaraf etishga xizmat qiladi. Bunga aksilreklama vositasida erishiladi

1. 
   Qurilishda marketing axborotning ahamiyati
   

Hozirgi industrial asr moddiy ne’matlar, sanoat ishlab chiqarishning ustun darajada rivojlanishi, sanoat ishchilarinlng hissasini oshib borishi bilan xarakterlanadi. Ishlab chiqarish esa yalpi, yirik seriyall va katta sig‘imdagi bozorga mo‘ljallangan bo‘lsa, ishlab chiqarish samaradorligining oshishi esa jonsiz va jonli mehnatni, xomashyo, moddiy resurslarni tejash, korxonani kengaytirish va tannarxini pasaytirish hisobiga amalga oshiriladi. Bu davrda qurilish sohasi esa nihoyat darajada bozorga moslashuvchan, yakka, ayrim buyurtmalarni boshqarishga va kichik ehtiyojlarni qondirishga mo‘ljallangan, xaridorlarning katta hajmdagi talablarini qondirishga qaratilgandir. Hozirgi davrning yuqoridagi qayd etilgan barcha xususiyatlari qurilish sohasidagi faoliyat yuritayotgan sub’ektlarning to‘laqonli axborotlar bilan ta’minlanishiga zaruriyat tug‘dirmoqda.
Fan-texnika taraqqiyoti o‘sishi bilan birga chiqarilayotgan tovarlarning nomenklaturasi ham ortadi, tez yangilanadi, ishlab chiqarishning texnika bazasi zamonaviy va murakkab mashinalar tizimi bilan boyiydi, texnologik jarayonlar intensivlashadi va murakkablashadi, ishlab chiqarishni ixtisoslashtirish kengayadi. Shuning uchun korxonada foydalanadigan axborotlarning miqdori keskin ortadi. Shuni aytish kifoyaki, hozirgi kunda korxonalardan boshqarishda har soatda 100 mingdan ko‘proq yoki kuniga bir mllliongacha axborot belgilarini ishlab chiqarishi talab qilinadi. Axborotlarning etarli emasligi yoki ulardan to‘liq foydalanilmaslik boshqarishda xatoliklarga yo‘l qo‘yilishiga sabab bo‘ladi. Chunki bunday holda rahbar ishlab chiqarishning ahvoli haqida to‘la ma’lumotga ega bo‘lmaydi.
Xulosa qilib aytganda, qurilish sohasini rivojlantirishda tadbirkorlik va biznes sub’yektlari samarali axborot ta’minotiga ega bo‘lishlari zaruriyatdir. Qurilish sohasidagi faoliyat yurituvchi sub’ektlarning haqqoniy axborotlarga ega bo‘lishi va ulardan oqilona foydalanishi orqali hozirgi, ertangi va kelajak istiqbollari ta’minlanadi.