Qurilish materiallari

Korroziyaning uchinchi turi sulfat tuzlari mavjud qorishmalar ta'sirida yuz beradi:
3CaO∙Al₂O₃∙ 6H₂O+3CaSO₄+ +25H₂O=3CaOAl₂O₂3CaSO₄32H₂O


Bu reaksiya juda ko'p miqdorda suvni biriktirishi bilan xarakterlidir. Uch kalsiyli gidrosulfoaluminat (ettringit) hosil bo'lishida uning hajmi 2 marta kengayadi. Sement toshi mikro g'ovaklarida ettringitning kristallanishi mikroyoriqlar hosil bo'ladi. Buni sement basillasi korroziyasi deb yuritiladi. Bu turdagi korroziya ayniqsa sho'rlangan yerlarda kuzatiladi. Korroziyadan saqlanish uchun sulfat muhitiga chidamli sementlar ishlatiladi.
Sement toshiga birinchi holatda kuchli o'yuvchi natriy yoki o'yuvchi kaliyning ta'siri, ikkinchi holatda esa sement toshi ichidagi Ca(OH)₂ ta'sirida yuz beradi. Birinchi holatdagi ishqoriy korroziya sement toshida soda va potash hosil qiladi hamda korroziya shiddatli kechadi. Ikkinchi holatda ishqoriy korroziya uzoq yillar davom etadi.
Portlandsementning xossalariga maydalik darajasi, normal quyuqligi, qotish davri, markasi va shu kabilar kiradi.
Maydalik darajasi quruq holatdagi sementning №008 elakdagi qoldig'i (15%gacha) hamda dispersligini aniqlash usuli bilan aniqlanadi. Oddiy 400 markadagi sementning dispersligi (solishtirma yuzasi) 2500-3000 sm²/g.
Zichligi. Sement zichligi 3,05-3,15 g/sm³. To'kilgan holatda 1100 kg/m³, zichlashtirilganda 1300 kg/m³. Mineral qo'shimchalar sement zichligiga ta'sir etadi.
Suvga talabi normal quyuqlikdagi sement xamirini olishga zarur bo'lgan suv miqdori bilan (massa bo'yicha, %) belgilanadi. Sement xamirining normal quyuqligi Vika asbobining pestigi taglikka 5–7 mm qolgan holatda belgilanadi. Sementning suvga talabi 22-28% atrofida. Gidravlik qo'shimchalarning sement klinkeriga qo'shilishi suvga bo'lgan talabni 32–37% gacha oshiradi.