Qurilish materiallari

13.10-rasm. Yog`ochdan tayyorlangan pogonaj detallar.


Eshik va deraza, asosan, qarag'aydan tayyorlanadi. Yog'och pardevorlari bevosita bino ichida yig'iladi, plintus va karnizlar yordamida mahkamlanadi. Shchitli eshiklar ichki qatlami reykalardan yig'iladi, ikki tomoniga bir yoki ikki qatlam qattiq yog'ochlardan layyorlangan shpon yopishtiriladi. Duradgorlik plitalari uzunligi 2500 mm gacha, eni va qalinligi 30 mm bo'ladi.
Parket pol buyumlariga donali, yig'ma va shchitli parketlar hamda parket taxtalar kiradi. Donali parket randalangan chetlari va ko'ndalang qismlari profillangan turli olchamlardagi taxtachalardir. Parket, odatda, qattiq jinsli yog'ochlar (eman, buk, yasen, oqqayin va shu kabi) dan tayyorlanadi. Taxtachalar uzunligi 150, 200, 250, 300, 400 mm, eni 30 dan 60 mm gacha 5 mm qadam bilan, qalinligi 15 va 18 mm bo'ladi.
Yig'ma parket - 400x400 va 600x600 mm taxtachalar qog'ozga yelimlanadi va u yotqizilgach, qog'oz ko'chirib olinadi.
Shchitli parket yog'och va bruschali asosga parket taxtachalarini yelimlab olinadi. Parket taxtasi reykalar ustiga suvga chidamli yelimlar bilan yelimlab olinadi. Uning uzunligi 1200, 1800, 2400, 3000, eni 160, qalinligi 25 mm. Parket taxtachalarining namligi 8±2% bo'lishi kerak.
Faner uch va undan ortiq shponlarni (yog'och tasmalar) ustma- ust yelimlab olinadi. Shponlarni ustma-ust yelimlaganda bir qatlamdagi shponlarning tolalari keyingi qatlam shponlarining tolalariga nisbatan реrpendikulyar holatda joylashishi kerak. Odatda, ko'zli shponlar o'rta qismlarga joylashtiriladi.
Shpon 2 m uzunlikkacha bo'lgan to'sinlarni bug'lab yoki issiq suvda yumshatib, stanok yordamida yupqa uzluksiz qirindi sifatida olinadi. Faner qayin, buk, yasen, eman, qarag'ay, arena, pista qarag'ay, tilog'ochdan tayyorlanadi. Shponlar zarur sxemada yelimlanib, taxlanib, 120-160°C, 1,4-2,0 MPa bosimda 20-30 minut presslanadi. Shponlar soniga qarab uch, besh va ko'p qatlamli fanerlardan, 1,5-18mm qalinlikda va 2400x1525 mm gacha o'lchamlarda tayorlanadi. Bezak faneri bir tomoni eman, yasen, nok kabi teksturasi chiroyli yog'ochlar shponi yoki sun'iy polimer plyonkalarni yopishtirib olinadi.