Qurilish materiallari, buyumlari va konstruktsiyalari ishlab chiqarish

2.17-rasm. Bug‘-havo muhitini tashqaridan qo‘zg‘atuvchi bug‘ bilan ta’minlash kamerasining tuzilishi

1. 
   -bug‘ni chiqaruvchi moslama; 2-bug‘ sarfini o‘lchovchi diafragma; 3-injektor oldidagi bug‘ bosimini o‘lchovchi monometr; 4-o‘tkazuvchi quvurga qo‘yilgan yopqich; 5-havo yopqichi; 6-havo yo‘li; 7-kameraga bug‘ni olib kiruvchi quvur; 8-katta o‘lchamli bug‘ purkagich; 9-kameraning ostidan havoni tortib oluvchi quvur; 10-injektordan so‘ng bug‘ yuboruvchi yopqich; 11-injektordan so‘ng bug‘ bosimini ko‘rsatuvchi monometr; 12-injektor; 13-havo tortilishini meyorga soluvchi yopqich; 14-potensiometr
   

Bug‘ bilan ta’minlashning mukammalroq usullarida issiq beruvchi tashqaridan purkaladi (2.17-rasm). Bug‘ kameraga katta o‘lchamli purkagichlardan yuboriladi. Kamera polidan 200-300 mm yuqorida perfoquvurlar qo‘yiladi va ular yordamida bug‘ havo aralashmasi, purkagichlar vositasida, kamerada aylanib turadi va natijada bug‘ bilan havo yaxshi aralashadi. Bug‘ni alohida, purkagichlardan yoki bir vaqtning o‘zida perfoquvurlardan berish va shu vaqtning o‘zida bug‘ bilan havo aylanishiga erishish mumkin. YOz vaqtida, bug‘ kameraga quruq keladigan sharoitda buyumni, isituvchini qayta aylantirish usuli bilan qizdirish mumkin. Qishda, bug‘ namligi yuqoriroq bo‘lganda uni perfoquvurlardan yoki purkagichlardan yuborsa bo‘ladi. Buyumni sovutish uchun kameraga ventilyasiya tirqishlari qo‘yiladi va bug‘ havoli aralashma kameradan so‘rib olinadi.

Konveyer usulida temir-beton buyumlar ishlab chiqarish uzluksiz moslamalarda amalga oshiriladi. Bularga misol qilib tunnel va vertikal kameralarni keltirish mumkin.
Tunnelli kamera gorizontal tunnel ko‘rinishida bo‘lib unga qo‘yilgan relslarda buyum ortilgan vagonetkalar qatnab turadi, buyum ko‘targichlar yordamida olinadi va tushiriladi. Vagonetkalar bir postdan ikkinchisiga turtgichlar yordamida harakatlanadi.
Tunnelli karmeralar bir yoki ikki yarusli bo‘ladi. Ko‘p yarusli kameralar ishlab chiqarish maydonlarni sezilarli darajada tejash imkonini beradi. CHunki uning har bir yarusida bitta vagonetkalar poezdiga ortilgan buyum issiqlik ishlov berishdan o‘tadi. Isituvchi sifatida bug‘ yoki kalorif ‘yyerda qizitilgan bug‘ havoli aralashmasi hizmat qilishi mumkin. Kamera uchta zonaga bo‘linadi: haroratni ko‘tarish bo‘limi, izotermik qizitish va sovutish bo‘limi. Har bir zona bir-biridan issiq havoli to‘siq yordamida ajratilgan. Kameradagi isitish jihozlari haroratni 90°S gacha ko‘tarish va zonalardagi haroratni talab etilgan meyorda saqlab turish imkonini beradi.
Kameralarga issiqlik registr va perfoquvurlar bilan yuboriladi. O‘tkur bug‘ isitish zonasining boshlanishi va izotermik qizitish zonasining oxiriga beriladi. Isituvchi sifatida issiq havodan foydalanilganda issiq havo isitish zonasining o‘rtasidan so‘rib olinadi va venilyator yordamida isitish zonasining boshi va oxiriga jo‘natiladi. Kaloriferlar bilan havo 110-155 °S gacha qizdiriladi.
Tunnel kameralarining asosiy kamchiliklari uning chetidan issiqning ko‘p yo‘qolishidir. Issiq bug‘ havoli aralashmaning sexga kirishi va sovuq havoni tortish uchun kameraga havoli to‘siqlar o‘rnatiladi.