Qurilish materiallari, buyumlari va konstruktsiyalari ishlab chiqarish

Bug‘lash kameralarining tuzilishi
Temir-beton buyumlarni bug‘lash uchun davriy va uzluksiz ishlaydigan kameralar ishlatiladi. Yig‘ma temir-beton ishlab chiqarishda ayniqsa keng tarqalgan kameralarda issiqlik bilan ishlov berish, buyumni joylash va chiqarish uchungina tanaffus qilinib ishlatiladi. Uzluksiz ishlaydigan kameralarda issiqlik bilan ishlov berish uzluksiz amalga oshirilib tayyor buyum o‘rnini boshqasi oladi. Davriy ishlaydigan kameralar odatda stend va agregat potok texnologiyalarida, uzluksiz ishlaydigan kameralar esa konveyer texnologiyalarida foydalaniladi.
Temir-beton buyumlariga issiqlik ishlov berish uchun birinchi navbatda chuqurda joylashgan bug‘lash kameralaridan foydalaniladi (2.4-rasm). Davriy ishlaydigan bu qurilmalar hozir ham keng qo‘llanilmoqda. CHuqurda joylashgan kameralar to‘laligicha yoki yarmigacha erga kirgan, ba’zan esa er yuzasida joylashgan bo‘ladi. Ko‘pincha erga qisman kirgan (balandligining 2/3-4/5 qismi) ko‘p seksiyali blokli kameralar quriladi. Ularning asosiy elementlari devor, kondensat oqib ketadigan moslama, ochiladigan qopqoq, kameraga bug‘ etkazib beradigan, ochib-yopgichlar qo‘yilgan quvur bo‘ladi.
Hozirgi vaqtda bug‘lash kameralari uchun M 200 markali yuqori darajada mustahkam keramzit beton ishlatish tavsiya etiladi, og‘ir betondan issiqni o‘tkazishi 3-4 marta va issiqlik sig‘imi 1,5 kam bo‘ladi. Kameraning poli, kondensat oqib ketishi uchun, bir tomonga og‘gan, gidroyopqich bilan jihozlangan va kondensatni chiqarib yuboruvchi umumiy tizimga ulangan bo‘ladi.

2.14-rasm. Xandaq tipidagi bug‘lash kamerasi
1 – kameraning devori;2 - bug‘ni taqsimlovchi kollektor; 3 - bug‘ni etkazib beruvchi elektro magnitli ventil;4 - gidroberkitgich;5 - kameraning qopqog‘i;6 - gidravlik klapan;7 - ventilyasiya tirqishlari;8 - kondensatni chiqarib yuboruvchi kollektor; 9 - elektr magnitli ventilyasiya klapani; 10 - ventilyasiya kanali; 11 - gidroberkitgichli ventilyasiya shiberi;12 - avtomat tizim datchiklari