Qurilish materiallari, buyumlari va konstruktsiyalari ishlab chiqarish

Gidrofob portlandtsement– portlandtsementklinkerbni sirt-aktiv gidrofoblovchi (suv yuqtirmaydigan) qo‘shimcha bilan mayin yanchilgan mahsulotdir. Qo‘shimcha sifatida milonaft yoki asidol, ya’ni neft’ mahsulotlari sement massasiga nisbatan 0, 1-0, 15% miqdorda olinadi. Gidrofob sementi, boshqa oddiy sementdan farqli, quyidagi xususiyatlarga ega: nam tortishi past, uzoq muddatga saqlanganda va xatto nam havoda ortilganda ham aktivligini yo‘qotmay sochiluvchan holatda qoladi; yuqori plastiklikka (plastiklashtirilgan sementdan kam bo‘lsada) ega; suv shimish va suv o‘tkazish darajasi past va betonda sovuqqa chidamligigi yuqori. Gidrofob sementi ham oddiy portlandtsement markalari kabi markalarga ega.
Sirt-aktiv qo‘shimchali sementlar boshlang‘ich davrda bir qancha sekinroq qotish tezligiga ega bo‘lib, shunga ko‘ra kamroq issiqlik ajratib chiqaradi. Bu sementlar alohida maxsus sharoitlarda, ya’ni gidrotexnik inshootlarini qurishda va monolit temir-beton konstruktsiyalarini ko‘tarishda ishlatiladi, bunda betonning suv o‘tkazmasligi va issiqlik ajratib chiqarishi muhim ahamiyatga ega.
Sul’fatga chidamli sementlar – alohida guruhga ajratilgan va ularga UzRST talablari kuyilgan (2. 1 jadvalga qar. ). Sul’fatga chidamli portlandtsement (SPTS) 400 marka bilan ishlab chiqariladi. Sementning sul’fatga chidamliligi mineralogik tarkibini me’yorida bo‘lishi bilan ta’minlanadi, qaysiki sul’fat agressiyasiga chidamsiz minerallarning miqdori tarkibda kamaytiriladi. Bu sement tarkibida: C₃S>50%,C₃A<5%, C₃A+C₄AF<22%. Qo‘shimchali sul’fatga chidamli portlandtsement (KSPTS) maxsus tarkibdagi portlandtsement klinkerini (C₃A<5%, C₃A+C₃AF<22%) va mayin yanchilgan aktiv mineral qo‘shimcha bilan birga tuyib olinadi. Qo‘shimcha sifatida trepel, opok, diatomit (5-10%) yoki granullangan domna shlaki (10-20) ishlatiladi. Qo‘shilma C₃S gidrotatsiyasida ajraladigan kal’tsiy gidrooksidini bog‘laydi, bu esa sementning sul’fatga chidamliligini oshiradi. Bunday holatda tarkibida juda ko‘pC₃S bo‘lgan klinkerni qo‘llash mumkin bo‘ladi, qo‘shimchali sul’fatga chidamli sementlar esa 500 va 400 markaga egadir.