Quloq tomoq

Shvabax tajribasi. Bu tajribada bemorning suyak o‘tka-
zuvchanligi (boshning tepa suyagi yoki so‘rg‘ichsimon 
o‘siqda) bilan tekshiruvchining suyak o‘tkazuvchanligi 
taqqoslanadi. Tovush o‘tkazuvchi apparat zararlanganda 
suyak o‘tkazuvchanligi uzaygan, tovush qabul qiladigan ap-
parat zararlanganda esa, qisqargan bo‘ladi. C–4 (sekundiga 
2048 marta tebranadi) kamertoni bilan quloqning yuqori 
tonlarini eshitish qobiliyati aniqlanadi.
Eshitishni audiometrik tekshirish. Eshitishning buzi-
li sh xarakteri va darajasi haqida aniqroq ma’lumotga ega 
bo‘lish uchun audiometriyaning turli usullaridan foydala-
niladi (14-rasm). Toza tonlarni chiqaruvchi asboblar yor-
damida eshitishni tekshirish keng tarqalgan. Havo va suyak 
telefonlari orqali tekshirilayotgan bemor qulog‘iga turli 
kuchga va chastotaga ega tovushlar yuboriladi. Bemor aniq 
eshitgan eng past tovushni belgilash – audiometriyaning 
asosiy vazifasidir. Shu asosda chizilgan audiogrammalar 

---

30
eshitish analizatorining holatiga baho berishga yordam 
beradi. 15-rasmda normal eshitish, tovush o‘tkazish va 
tovush qabul qilishning buzilishiga xos audiogrammalar 
keltirilgan.
15-rasm. Audiogrammalarning variantlari.
1 – normada; 2 – tovush o‘tkazilishining buzilishi; 3 – tovush 
qabul qilishning buzilishi; 4 – aralash chala karlik.
125 250 500 1000 2000 4000 8000Gs