Quloq tomoq

YALLIG‘LANISH KASALLIKLARI
Quloq saramasi
Quloq saramasi – gemolitik streptokokk qo‘zg‘atadi-
gan va quloq terisida o‘tkir yallig‘lanish o‘zgarishlari bilan 
xarakterlanadigan yuqumli kasallik.
Bemor qulog‘i shishib, qizarib ketadi, eti uvushadi, 
tana harorati ko‘tariladi, quloq suprasi achishib og‘riy-
di. Tekshirganda yaqqol chegaralangan shish va qizar-
ish aniqlanadi. Bu kasallikni perixondritdan farqlash 
lozim.
Davosi: keng ta’sir doirasiga ega bo‘lgan antibiotiklar va 
sulfanilamid preparatlar buyuriladi. Terining yallig‘langan 
joyi ultrabinafsha nurlar bilan nurlantiriladi, zararlangan 
teriga tarkibida antibiotiklar bo‘lgan moylardan malhamlar 
qo‘yiladi.
Perixondrit
Perixondrit – tog‘ayning biriktiruvchi to‘qimali pardas-
ining yallig‘lanishi. Ko‘p hollarda shikastlangan joyga ko‘k 
yiring tayoqchalari yoki turli kokklar tushib yallig‘lanishga 
olib keladi.
Quloq suprasi ko‘zdan kechirilganda qizargan va shish-
gan, paypaslanganda qattiq og‘riq bo‘ladi. Faqat quloq 
yumshog‘ida o‘zgarishlar kuzatilmaydi. Tog‘ay va tog‘ay 
usti pardasi orasida yiringli ekssudat paydo bo‘lishi tufayli 
fluktuatsiya yuzaga keladi.
Davosi: perixondritning kataral shaklida isituvchi spirtli 
kompresslar, ozonoterapiya va hokazolar buyuriladi. Keng 
ta’sir doirasiga ega bo‘lgan antibiotiklardan eritromitsin, 
tetrasiklin, oletetrin qo‘llaniladi.
Quloq suprasining shikastlangan joyiga 5% li yod nas-
toykasi, 1 % li kumush nitrat eritmasi surtiladi. Yiringli 
shaklida – jarrohlik davo usullari qo‘laniladi.

---

41
Quloq ekzemasi
Ekzema quloq suprasining orqa tomonida kuzatiladi, 
ekzemaning quruq va nam turlari tafovut qilinadi. Pa-
tologik jarayon so‘rg‘ichsimon o‘siqchaga o‘tish che-
garasida boshlanib, atrofga tarqala boshlaydi. Bu xastalik 
yuqmaydigan bo‘lib, tugunchalar, tangachalar yiring hosil 
qiladi va qichima bilan o‘tadi. Xastalik o‘rta quloqdan 
yiring oqib, tashqi quloq yo‘lini qichishi natijasida kelib 
chiqishi mumkin.
Davosi: yallig‘langan joyga spirtning toza eritmasi yoki 
bura suyuqligidan surtib, bog‘lab qo‘yiladi. Ultrabinafsha 
nurlari bilan nurlantiriladi. Gidrokortizon, oksikort moyli 
dorilarini surtish ham yaxshi natija bermoqda.
Ko‘p hollarda ekzema surunkali shaklda kechadi.