Qоzоqbоy yO‘ldоshеv, vаlijоn qоdirоv, jаlоlbеk yO‘ldоshbеkоv

qo‘chqor: — Nima-gress?
Olimjon: — Progress.
qo‘chqor: — Progress bor. Ilgari tezak yoqilardi, hozir tezakni 
solyarka bilan yoqayapmiz. Yaxshi yonayapti. To‘g‘ri ovqatdan sal-pal 
hidi keladi-yu, lekin o‘rganib ketar ekan odam.
Olimjon: — (Qo‘chqorga  achinganday  bosh-oyoq  qa-
rab  chiqib.) Bir hisobda, sizgayam qiyin — shuncha bola-chaqa... 
Sakkiztamidi?
qo‘chqor: — (Uh tortib.) Ha, qolgani shu. Beshtasi peshanam-
ga sig‘madi, Olimtoy...
Olimjon: — Hechqisi yo‘q, Qo‘chqor aka, yaqinda hammasi 
yaxshi bo‘lib ketadi. Mana, hozir „oilani planlashtirish“ degan bir gap 
chiqib turipti.
qo‘chqor: — Nimalashtirish?
Olimjon: — Planlashtirish. Menimcha, shu yaxshi gap, 
Qo‘chqor aka. Tushunmadingiz-a. Buning ma’nosi shuki, yaxshi ya-
shash uchun bolani to‘rtta-beshtadan oshirmaslik kerak.
qo‘chqor: — Iye?.. Xudoning o‘zi berib tursa nima deysan?
Olimjon: — (Kulimsirab.)  Ha, endi, Xudo bermaydigan qilina-
di-da.
qo‘chqor:  —  (Go‘yo  tushunganday.) Ha-a, gap buyoqda de-
gin? U... qanaqa bo‘ladi o‘zi?
Olimjon: — „Oilani planlashtirish“ degan gap bekorga chiqqani 
yo‘q. Axir, ne-ne olim-u fozillar rosa o‘ylab, hamma tomonini hisob-
ga olib, keyin gapirishyapti. Mana, siz va sizga o‘xshaganlarning bo-
la-chaqa deb umri o‘tib ketmasin, bular ham odamga o‘xshab yasha-
sin, degan gap bor buning tagida, bildingizmi?
qo‘chqor: — Yo‘q, tagidagi gap yaxshi ekan-u, lekin boshimiz-
ga qo‘ylarning kuni tushmasmikan, deyman-da.

---

265