Qosimova R. A. Boltayev Z. B

Sayohatlar.  Bu  ibora  asosan  tomosha  qilish,  tanishish  kabi 
jarayonlarni  bildiradi.  Lekin  bu  qatnashchilarning  aniq  maqsad  va 
vazifalariga bog’liq: 
-O’quvchi  yoshlar,  mehnatkashlar,  nuroniy  keksalar  tarixiy  va 
madaniy yodgorliklar, zamonaviy shaharlarning ko’rkini tomosha qilish 
bilan  sayr  o’tkazadi.  Bular  asosan  shu  manzilda  yashovchilar  va  uzoq 
manzillardan kelganlar uchun asosiy tadbirdir; 
-O’zbekiston  ziyolilari,  maxsus  izlanuvchi-tadqiqotchilar  tarkibiy 
va  madaniy  obidalarning  qurilish  vaqti,  uni  amalga  oshirgan  shaxslar 
(shohlar,  quruvchilar,  naqqoshlar,  ta’mirchilar  va  h.k.)  hamda  ularning 
maqsad-vazifalarini izchil ravishda o’rganish uchun sayrga borishadi; 
-Xorijiy  sayyohlar  ham  oddiy  tomoshabin  va  izlanish-tadqiqot 
maqsadida yurtimizdagi e’tiborga molik bo’lgan obidalarga sayr-sayohat 
qilish uchun tashrif buyurishadi.  
Bunday  sayrlar  asosan  turli  ulovlar  (avtomashinalar,  poyezd, 
samolyot, kema va h.k.) yordamida uyushtiriladi. Shu sababdan, turizm 
fanida  bunday  sayr-sayohatlarni  kam  harakatli  turizm  deb  ataladi. 
Shunday bo’lsada, yirik shaharlarda turbazalar ko’pincha tog’li yoki tog’ 
oldi,  daryo  sohillaridagi  tabiat  manzaralariga  boy  bo’lgan  joylarda 
quriladi.  Shu  sababli  sayyohlar  yozda  piyoda  yurish,  cho’milish,  oftob 

---

 
163 
nurlarida  toblanish,  tennis,  badminton  va  boshqa  sport  turlari  bilan 
shug’ullanib  jismoniy  jihatdan  sog’lom,  baquvvat,  tetik  bo’lishga 
astoydil  kirishadi  va  bu  imkoniyatlarni  ongli  ravishda  egallashga 
muyassar bo’ladi.  
O’zbekiston sharoitida boshlang’ich sinf o’quvchilarini ham o’zlari 
yashab  turgan  shahar,  qo’rg’onlarda  sayr-tomoshalarni  ko’proq,  tashkil 
qilish  lozim.  Ota-onalar  yordami  va  bevosita  ishtiroklari  asosida  ularni 
yurtimizdagi  tarixiy  va  madaniy  yodgorliklarga  boy  bo’lgan  yirik 
shaharlarga  sayr-tomosha  qildirish  zarur.  Bu  esa  boshlang’ich  sinf 
o’quvchilarining nazariy bilimlar va tushunchalarga qiziqishini orttirish 
bilan  birgalikda,  ularning  ma’naviy  va  jismoniy  barkamol  bo’lib  o’sish 
yo’llarini shakllantirishi shubhasizdir.