Qosimova feruza xursanali qizi

Tadqiqotning tuzilishi va hajmi. 
Dissertatsiya 88 sahifa bo’lib, kirish, uch 
bob, xulosalar va 86 ta foydalanilgan adabiyotlar ro’yxatidan iborat. 
 

---

10 
I BOB O’RTA UMUMTA’LIM MAKTABI VA NOFILOLOGIK OLIY 
O’QUV YURTLARIDA INGLIZ TILI O’QITISHNING NAZARIY 
MASALALARI 
I.1. O’rta umumta’lim maktabi va nofilologik oliy o’quv yurtlarida 
o’qitish sharoiti tushunchasining metodik tahlili 
“Ta’lim to’g’risi”dagi qonun va “Kadrlar tayyorlash Milliy dasturi”ning 
qabul qilinishi mamlakatimizda ta’lim-tarbiya sohasida yangicha yo’nalishlarni 
ochib berdi.
O’rta umumta’lim va nofilologik oliy o’quv yurtlari bo’yicha umumta’lim 
fanlari davlat ta’lim standartlari va o’quv dasturlarini yaratilishi mazkur ta’limni 
tashkil etishdagi ijobiy ishlardan biri bo’ldi. Bugungi kunda ingliz, olmon va 
fransuz tillaridan ushbu o’quv yurtlari bo’yicha o’quv dasturlari yaratilgan. Ularda
mazkur o’quv yurtlarida chet tillarni o’qitish bilan bog’liq ta’lim jarayonini tashkil 
qilish, o’qitish mazmuniga qo’yiladigan dasturiy talablar to’g’risida atroflicha 
ma’lumot berilgan. Shuningdek, mazkur ta’limdan ko’zda tutilgan maqsad va 
vazifalar, chet tillarni o’qitish jarayonini nazorat qilish bilan bog’liq masalalar ham 
yoritilgan. Ushbu hujjatlarda o’quvchi va talabalar quyidagilarni o’zlashtirishlari 
dasturiy talablar sifatida ko’rsatib o’tilgan:
 

o’quv-intelektual ko’nikma va malakalar hisoblangan tinglab tushunish, 
o’qish jarayonida til hodisa va faktlari o’rtasida sabab-oqibat aloqalarini o’rnata 
olish, ushbu hodisa va faktlarni o’zaro farqlash, umumlashtirish hamda xulosalar 
qila olish; 

tinglangan va o’qib idrok etilgan axborotlarni asosiy va ikkinchi darajalarga 
ajrata olish, ulardan amaliyot (kundalik hayot)da foydalana olish, matnlardagi 
shartli belgilar, noverbal vositalar – chizma, diagramma, tasvir va simvollarni 
tushuna olish; 

o’quv-kommunikativ muloqot jarayonida qatnasha olish, og’zaki ifoda