Qora qalpoq indd

Hújjetlerde «onıń ornına» degen sóz dizbegi 
qollanılmaydı, sonday-aq, lawazım atınıń aldına qıya 
sızıq penen qol qoyıwǵa jol qoyılmaydı.
Eki lawazımlı shaxstıń qolları kollegial organlar 
hújjetlerine qoyıladı. Qararlar hám bayanlamalarǵa 
kollegial organnıń baslıǵı hám xatkeri tárepinen qol 
qoyılıwı usınıs etiledi. Kollegial organlarda jeke basshılıq 
tártibi tiykarında qabıl etiletuǵın buyrıqlarda bir qol 
boladı.
Hújjetler (aktler, finans hújjetleri hám t.b.) mazmunı 
ushın birneshe shaxslar juwapker bolǵan jaǵdayda, eki 
yamasa onnan artıq qollar qoyıladı.
Komissiya tárepinen tayarlanǵan hújjetlerde onı 
tayarlaǵan shaxslar lawazımı emes, al komissiya 
quramındaǵı wazıypaları bólistiriliwi kórsetiledi. 
Máselen:

---

28
Komissiya baslıǵı: 
(qol)
B.B.Muratov
Komissiya aǵzaları: (qollar) A.T.Hákimniyazov
T.S.Arıslanov
S.A.Nawrızbaev
Hújjetke birneshe lawazımlı shaxslar tárepinen qol 
qoyılǵanda, olardıń qolları iyelep turǵan lawazımlarına 
muwapıq izbe-iz náwbet penen jaylastırıladı. Máselen:
Institut direktorı:
(qolı)
T.A.Shamuratov
Bas esapshı:
(qolı)
S.A.Sabırov
Hújjet lawazımları teń birneshe shaxslar tárepinen 
qol qoyılǵanda, olardıń qolları bir qatarda jaylastırıladı. 
Máselen:
Qaraqalpaqstan Respublikası 
Qarjı ministri
(qolı)____A.T.Qalbaev
Qaraqalpaqstan Respublikası 
Ekonomika ministri
(qolı)____A.T.Saylawbaev
21. «Kelisiw grifi».
Kelisiw hújjet joybarın dáslepki 
kórip shıǵıw hám bahalaw usılı bolıp tabıladı. Kelisiw 
shólkem ishinde de (túrli strukturalıq bólimler hám 
lawazımlı shaxslar menen), onıń sırtında da (hújjet 
joybarındaǵı máselelerge óz kepilliklerine muwapıq 
tikkeley qatnası bolǵan boysınıwshı hám boysınbaytuǵın 
shólkemler menen) ámelge asırılıwı múmkin.
Hújjet joybarın ishki kelisiw qol qoyıwshınıń 
jeke qolı hám qol qoyıw sánesin óz ishine alǵan viza 
menen rásmiylestiriledi. Zárúr bolǵan jaǵdaylarda qol 
qoyıwshınıń lawazımı kórsetiliwi múmkin. Onıń qolın 

---

29
atı hám ákesiniń atınıń bas háripleri, familiyası menen 
kórsetip jazıw shárt. Máselen:
KELISILDI
QR Qarjı ministrligi jobalaw bólimi baslıǵı 
(qolı)
A.S.Omarov
Hújjet kollegial organ menen kelisiwi kerek bolǵan 
jaǵdaylarda «kelisiw grif»inde hújjet atı ataw sepliginde 
kórsetilip, sáne hám tártip nomeri qoyıladı. Máselen:
KELISILDI
«Qaraqalpaqdán» milliy kompaniyası miynet jámááti 
keńesi jıynalısı bayanlaması. 2019.11.02. 3-san.
Eger hújjet kelisiwi basqa hújjet járdeminde ámelge 
asırılsa, «Kelisiw grif»inde sol hújjettiń túri, avtorı 
(shólkem atı), sánesi, shártli nomeri kórsetiledi. Máselen:
KELISILDI
«Qaraqalpaqavtojol» agentligi xatı. 2019.15.05. 
№7/05-09
Hújjet joybarı boyınsha pikirler hám qosımshalar óz 
aldına bette bayan etiledi hám bul haqqında joybarda 
tiyisli belgi qoyıladı. Grif belgisi hújjetlerdiń shólkemde 
qaldırılatuǵın nusqalarına – aldı tárepine, «qolı» rekviziti 
astına qoyıladı.