Qonuni aholi bandligi to‘G‘risida

115-modda. Mehnat stajini elektron tarzda hisobga olish
Har bir xodimning mehnat staji (shu jumladan lavozim mavqeyi, vaqtincha mehnatga layoqatsizlik davrlari, mehnat ta’tillarida bo‘lgan vaqt va uzrli sabablarga ko‘ra ishda bo‘lmagan boshqa davrlar) to‘g‘risidagi ma’lumotlar ish beruvchilar tomonidan mahalliy mehnat organlariga taqdim etiladi.
Fuqarolarga mehnat faoliyati haqidagi ma’lumotlarni taqdim etish bo‘yicha davlat interaktiv xizmati YIDPX orqali taqdim etiladi.
116-modda. Shaxsga doir ma’lumotlarni himoya qilish
“Yagona milliy mehnat tizimi” idoralararo dasturiy-ta’minot kompleksida foydalaniladigan shaxsga doir ma’lumotlarni himoya qilish “Shaxsga doir ma’lumotlar to‘g‘risida”gi O‘zbekiston Respublikasi Qonuniga muvofiq amalga oshiriladi.
19-bob. Yakunlovchi qoidalar
Oldingi tahrirga qarang.
117-modda. Aholi bandligi to‘g‘risidagi qonunchilikka rioya etilishi ustidan davlat nazorati
Aholi bandligi to‘g‘risidagi qonunchilikka rioya etilishi ustidan davlat nazoratini O‘zbekiston Respublikasi Bandlik va mehnat munosabatlari vazirligi, boshqa davlat boshqaruvi organlari va mahalliy davlat hokimiyati organlari qonunchilikda belgilangan tartibda amalga oshiradi.
(117-modda O‘zbekiston Respublikasining 2021-yil 21-apreldagi O‘RQ-683-sonli Qonuni tahririda — Qonunchilik ma’lumotlari milliy bazasi, 21.04.2021-y., 03/21/683/0375-son)
118-modda. Nizolarni hal etish
Oldingi tahrirga qarang.
Aholi bandligi sohasidagi nizolar qonunchilikda belgilangan tartibda hal etiladi.
(118-moddaning matni O‘zbekiston Respublikasining 2021-yil 21-apreldagi O‘RQ-683-sonli Qonuni tahririda — Qonunchilik ma’lumotlari milliy bazasi, 21.04.2021-y., 03/21/683/0375-son)
Oldingi tahrirga qarang.
119-modda. Aholi bandligi to‘g‘risidagi qonunchilikni buzganlik uchun javobgarlik
Aholi bandligi to‘g‘risidagi qonunchilikni buzganlikda aybdor shaxslar belgilangan tartibda javobgar bo‘ladi.
(119-modda O‘zbekiston Respublikasining 2021-yil 21-apreldagi O‘RQ-683-sonli Qonuni tahririda — Qonunchilik ma’lumotlari milliy bazasi, 21.04.2021-y., 03/21/683/0375-son)