Qo`lyozma huquqida

Shoh  هﺎﺷ so‘zi Ogahiy tarixiy asarlari davomida quyidagi ma’nolarda 

ishlatilgan: 

1. 

Xonning sinonimi:  

Davlatu iqbol anisi edi, 

SHohi falakjohning inisi edi. (RD, 256

a

). 

2. 

Davlat tizimi shohlik bo‘lgan davlat boshlig‘i, ya’ni Eron shohi 

ma’nosida muayyan mazmunda: Eron mamolikining podshohi farmonravosi 

Fathalishoh  Qochorkim,  Boboxon  shohg‘a  mashhur  erdi,  ul  jamoaning 

dushmani qadimi erdi. (RD, 269

a

). Ta’kidlash zarurki, Ogahiy tarixiy asarlarida 

ushbu so‘z shaxs ismiga qo‘shilib kelgan hollarda rasmiy unvon mazmuni kasb 

etadi. Masalan, Fathalishoh. 

 3. Vassal viloyat hokimi: Davlati olampanohning jonsipor xizmatkorlaridan 

jalodattov’am Hasanmurod mahramini Hirot viloyatining podshohi jalodat 

dastgohi,  sohibul-farmon  shoh Komrong‘akim, barcha avqot musodiqat va 

muvofiqot urvatulvusqosig‘a xayrixohlig‘ rasmin ilgari tutar erdi, irsol qildi. (RD, 

255

a

). Ko‘rinadiki, bu holda shoh so‘zi shaxs ismidan oldin qo‘llaniladi. Bu tarzda 

ma’no  farqlanishini  mirzo so‘zining qo‘llanishida ham kuzatamiz. SHuni ham 

ta’kidlash lozimki, arab istilosidan keyin Eron monarxlarida shoh unvoni 

taomildan chiqadi va saljuqiylardan Malikshoh davridan boshlab yana qo‘llanila 

boshlagan. Barcha vakillari ismi tarkibida shoh unvoni bo‘lgan birinchi sulola 

safaviylar edi. Ularda shoh unvoni ism oldidan kelgan: Shohismoil, Shohabbos 

kabi.  

                                                             

91

 

جرد

٣

 .

ﯽﺳرﺎﻓ ﺮﻌﺷ ﮫﻧﺎﺨﺑﺎﺘﮐ ﻦﯾﺮﺘﮔرﺰﺑ

 .

 ﮫﻣﺎﻧ ﺖﻐﻟ

.

 Al-rams. www.mehrahgam.com.  

92

 Yeğin Abdullah. Yeni Lûgat. – Istanbul: Hizmet Vakfı Yayınları, 1992. – S.325.  

---

44 

 

Sharq tarixining uzoq davrlaridan yaqin o‘tmishgacha shoh, shahanshoh 

Eron shohlarining unvonini ifodalasa ham, ko‘pgina tarixiy, badiiy asarlarda shoh, 

xon, sulton, amir (bu so‘z nisbatan farqlanadi) so‘zlari o‘rtasida muayyan istilohiy 

farqni ko‘rmaymiz. Jumladan, Ogahiy tarixiy asarlarida shahanshoh so‘zi Xiva 

xoniga  nisbatan ehtirom,  ta’zim,  madh ifodasi sifatida qo‘llanilgan. 

Masalan, ...hazrati shahanshohi falakjohning dargohi olam panohiga yibormish 

erdikim, “Qizilbosh ahlining din va oyinin tark etib, musulmonlig‘ davlati 

iqboliga etkumdurur”. (RD, 261

b

). 

Bundan tashqari, Ogahiy asarlari leksikasida yuqoridagilarga sinonim 

sifatida  xusrav  //  xisrav  وﺮﺴﺧso‘zi ham uchraydi, shuningdek, unga o‘zakdosh 

xusravona, xusravoniy so‘zlari ham faol ishlatilgan. Xusrav so‘zi pahlaviy husrüv 

(“yaxshi  nom”  ma’nosida,  xusrav shakli ham bor), “Avesto”da  husravah, 

sanskritda sushravas, o‘rta fors tilida xosrau shakllarida bo‘lgan

93

.  

Shahriyor  رﺎﯾﺮﮭﺷso‘zi ham mumtoz adiblarimiz tilida “podshoh” ma’nosida 

ishlatilgan

94

. Ogahiy tarixiy asarlarida mazkur so‘z ko‘p hollarda xonning sinonimi 

sifatida keladi: Xorazm mamolikining  shahriyori  sohib  ixtiyori...;  shahriyori 

Iskandarshavkat... (RD, 264

a

).  

 Podshoh  هﺎﺷدﺎﭘ . Eroniy qatlamga mansub ushbu so‘z monarx tushunchani 

ifodalashda mumtoz adiblarimiz tilida keng qo‘llanilgan. Podshoh  so‘zi Ogahiy 

tarixiy asarlarida monarx tushunchasini umumlashtirgan holatda ifodalagan.