Qizil va qora indd

bilan kolyaskani shu yerda qoldirasiz. Bir amallab Strasburgga yetib 

oling-da, oyning yigirma ikkinchi kuni (bugun esa o‘ninchi edi) soat o‘n 

ikki yarimda xuddi shu qahvaxonada bo‘ling. Bu yerdan yarim soatdan 

so‘ng chiqasiz. Bir og‘iz ham so‘z aytmang!

Jyulen eshitgan hamma gap shu bo‘ldi. Biroq gersogga chin dilidan 

qoyil qolmoq uchun shu ham yetarli edi. «Jiddiy ishlar mana shunday 

qilinadi, – deya o‘yladi u. – Agar uch kun burun anavi vaysaqilarning 

gapini eshitganida bu arkoni davlat nima degan  bo‘lardi?»  

O‘zining nazarida hech qanday qiladigan ishi bo‘lmagan Strasburg-

ga yetib olmoq uchun Jyulenning ikki kun vaqti ketdi. Yigit u yerga 

uzoq aylanma yo‘l bilan bordi. «Agar anavi iblis, abbat Kastaned meni 

tanib qolgan bo‘lsa, u holda izimga tushmasdan qo‘ymaydi. Vazifamni 

barbod etib, ustimdan kulish imkoniyati tug‘ilib qolsa, uning boshi 

naq osmonga yetardi-da!» 

Butun shimolni chegaradagi kongregatsiya qidiruv bo‘limining 

boshlig‘i abbat Kastaned, Jyulenning baxtiga, uni tanimagan edi. 

Qan chalik sergak bo‘lmasinlar, Jyulenning ketidan odam qo‘yish 

strasburglik iezuitlarning xayoliga ham kelmadi, zero egniga 

havorang kamzul kiyib, yoqasiga orden taqib olgan Jyulen shu tur-

ishda faqat o‘z xursandchiligini o‘ylaydigan yosh harbiyning xuddi 

o‘zginasi edi. 

---

435