Qiyaslaw jumislarin alip bariw dáwirligi

Inspeksion qiyaslawdan – mámleketlik metrologiya qadag’alawin ámelge asiriwda o’lshew qurallari qollaniwg’a jaramlilig’in aniqlaw zárur bolg’anda;

Ekspert qiyaslawdan – o’lshew qurallari sazlig’in yaki olardin’ qollaniwg’a jaramlilig’i, metrologik xarakteristikalar boyinsha kelispewshilik máseleleri ju’zege kelgende o’tkiziledi.

Birlemshi qiyaslawdan hámme o’lshew qurallari u’lgileri o’tkiziliwi kerek, metrologik attestaciyadan o’tkizilgen o’lshew qurallarinnan basqa.

O’lshew qurallarin inspeksion hám ekspert qiyaslawdan o’tkeriwde mápdar shaxslar yaki olardin’ wakilleri qatnasiwi mu’mkin.
O’lshew qurallarin ekspert qiyaslaw tergewge shekem tekseriw, sorastiriw, tergew, prokuraturaorganlari yaki sud qararina tiykarinan o’tkiziliwi mu’mkin.
O’lshew qurallarin qiyaslawda akkreditaciyadan o’tken metrologiya xizmeti tárepinen orinlang’an o’lshew qurallarin kalibrlew nátiyjelerinen paydalaniw mu’mkin.
O’lshew qurallarin qiyaslawdan o’tkeriw texnik tárepten tártipke saliw tarawindag’i normativ hu’jjetlerde belgilengen talaplarg’a muwapiq mámleket metrologik tekseriwinen o’tken o’lshew hám sinaw qurallari járdeminde ámelge asiriladi.
Qiyaslaw o’lshew quralinin’ qiyaslaw metodikasina muwapiq o’tkiziledi.
Qiyaslawdan o’tkeriw waqtinda orinlawshi o’lshew qurallarinin’ sirtqi faktorlar tásirinen ziyanlan jetkenligi ushin jawap beredi.
Orinlawshi tek qana qiyaslawdan o’tkeriw waqtinda natiyjeler aniqlig’in kepilleydi . O’lshew qurallari arza beriwshige tapsirilg’an waqittan baslap orinlawshi o’lshew qurallarinin’ metrologik xarakteristikalari texnik tárepten tártipke saliw tarawindag’I normativ hu’jjetler talaplarina muwapiqlig’i ushin jawap bermeydi.
O’lshew qurallarin qiyaslawdan o’tkeriw usi qag’iydalarg’a muwapiq sxema boyinsha ámelge asiriladi.
O’lshew qurallarin qiyaslawdan o’tkeriw isleri ushin haq du’ziletug’in shártnama shártlerine muwapiq ariza beriwshi tárepinen to’lenedi.
O’lshew qurallarin inspeksion hám ekspert qiyaslawdan o’tkeriw ushin haq shártnamag’a muwapiq mápdar tárep tárepinen to’lenedi.
O’lshew qurallarin qiyaslawdin’ hár bir kiyingi basqishi dáslepki basqish nátiyjeleri unamli (ijobiy) bolg’anda o’tkiziledi.