Qishloq xo‘jalik ekinlarini zararkunandalari, kasalliklari va ularga qarshi kurash choralari

Kurash choralari.

2.2-rasm. Gʻalla shirasi (tuxumlari, lichinkasi, imagosi va zarari).

Agrotexnik tadbirlar: g‘allaning chidamliligini oshiradigan chora-tadbirlar (o‘g‘itlash, sug‘orish) shiralar zararini pasayishiga yordam beradi va dala atrofini begona o‘tlardan tozalash.
Biologik usul: g‘alla shiralariga qarshi oltinko‘z entomofagining 3-4 kunlik tuxumlarini 10 kun oralatib 2 marta 500-1000 tadan chiqariladi. Shira tushgan dalalarga xon qizi qo‘ng‘izlari, sirfid pashshalari, afidiidlar va boshqa foydali xasharotlarni jalb etish.
Kimyoviy usul: vegetasiya davrida karate, 0,2 l/ga; Nurel-D- 0,5 l/ga; Siperfos- 0,5 l/ga; Sipermetrin- 0,2 l/ga; Benzofosfat-2,0 l/ga; Fufanon- 2,0 l/ga va boshqa ruxsat etilgan dorilar bilan ishlov beriladi.
Zararli xasva - Zararli xasva g‘allaning unib chiqish, tuplanish, nay tortish, boshoq tortish va pishish fazalarida zarar keltiradi. Zararli xasva voyaga yetgan holda, asosan tog‘ va tog‘ oldi xududlarida, o‘rmon yoki mevali bog‘lardagi daraxtlar ostida, hamda dala atroflarida, ariq zovurlar yoqalarida toshlar yoki o‘simlik qoldiqlari, barg xazonlar ostida qishlaydi. Mart oyining uchinchi o‘n kunligi - aprel oyining birinchi yarmi davomida xasva g‘allazorlar tomon uchib tarqala boshlaydi (2.3- rasm).
Pishmagan boshoq zararlanishi natijasida qisman

yoki butunlay oq boshoq (ya’ni puch) bo‘lib qoladi, don tarkibidagi oqsil kamayib ketadi. Boshoqdagi 10–15%
2.3-rasm. Zararli xasvalar (qo‘yilgan tuxumlari, imagolari va zarari).

donlarning zararli xasva bilan zararlanishi bunday donning un ishlab chiqarish uchun yaroqsiz bo‘lib qolishiga olib keladi.
Xasva zararlagan paykallardan olingan urug‘lik donning unib chiqishi 50% gacha kamayadi. Zararli xasva yiliga 1 marta avlod beradi.