Qishloq xo‘jaligida tuproqning agrokimyoviy tahlil tizimini takomillashtirish, ekin yerlarida tuproqning unumdorligini oshirish chora-tadbirlari to‘G‘risida

5-bob. Tuproqning agrokimyoviy tahlilini o‘tkazish uchun birlashtirilgan tuproq namunalarini olish

21. Birlashtirilgan tuproq namunalarini olish marshrut yo‘nalishi usuli bilan amalga oshiriladi.

22. Birlashtirilgan tuproq namunalari oddiy maydonchadan olinadi. Har bir oddiy maydonchadan bitta birlashtirilgan tuproq namunasi olinadi.

23. Tuproqning agrokimyoviy tahlilini o‘tkazish tuproqning xilma-xilligi va relyefining joylashuviga muvofiq tanlanadi. Bunda, sug‘oriladigan qishloq xo‘jaligi yerlarida oddiy maydoncha kattaligi 5 gektarni tashkil qiladi.

24. Mevali bog‘ va uzumzorlar kvartallarga bo‘lingandan keyin har bir kvartal oddiy maydoncha hisoblanadi. Odatda, kvartal kattaligi 4,5 — 5 gektarni tashkil etadi.

25. Tuproqning agrokimyoviy tahlilini o‘tkazishda tuproqning unumdorlik va agrokimyoviy ko‘rsatkichlarini belgilovchi tarkibi quyidagilardan iborat:

a) chirindi (gumus);

b) harakatchan fosfor;

v) almashuvchan kaliy.

26. Tuproqning agrokimyoviy tahlili natijalari bo‘yicha agrokimyoviy kartogrammalar ishlab chiqiladi.

27. Tuproqning agrokimyoviy tahlili natijalari xo‘jalik, tuman, viloyat va respublika miqyosida umumlashtiriladi.