Qishloq xo‘jaligida tuproqning agrokimyoviy tahlil tizimini takomillashtirish, ekin yerlarida tuproqning unumdorligini oshirish chora-tadbirlari to‘G‘risida

3-bob. Tuproqning agrokimyoviy tahlilini o‘tkazishga tayyorgarlik ko‘rish

9. Tuproqning agrokimyoviy tahlilini o‘tkazuvchi (“Davyergeodezkadastr” qo‘mitasi hamda Qishloq xo‘jaligi vazirligi tizimidagi tashkilotlari) “Davyergeodezkadastr” qo‘mitasi hamda Qishloq xo‘jaligi vazirligi tomonidan tasdiqlangan texnik topshiriqqa asosan ushbu ishlarni o‘tkazish uchun tegishli shartnomani tayyorlaydi va tasdiqlash uchun buyurtmachiga taqdim etadi.

10. Tuproqning agrokimyoviy tahlilini o‘tkazishga tayyorgarlik ko‘rish tuproqning agrokimyoviy tahlilini o‘tkazuvchi tomonidan amalga oshiriladi.

11. Sug‘oriladigan qishloq xo‘jaligi yerlarida tuproqning agrokimyoviy tahlilini o‘tkazish rejasida har yili bajariladigan ishlarning yer turlari bo‘yicha hajmi, kimyoviy tahlil qilinadigan tuproq namunalarining soni, ularni bajarish uslublari belgilangan holda ko‘rsatiladi. Ma’muriy tumanlar bo‘yicha ishlarni bajarish navbati aniqlanadi. Ma’muriy tumanlar tuproqlarining agrokimyoviy tahlili bir dala mavsumida bajarilishi lozim.

12. Tahlillar o‘tkazilishi rejalashtirilgan sug‘oriladigan qishloq xo‘jaligi yerlarida tuproq maydonlari ushbu ishlarni bajarish rejalashtirilgan yildan oldingi yil 1-yanvar holatidagi yer hisoboti bo‘yicha aniqlanadi.

13. Tuproqning agrokimyoviy tahlilini o‘tkazish uchun ekspeditsiya dala guruhlari tashkil qilinadi, guruh tarkibi va mutaxassislar soni bajariladigan ishlar hajmi va xususiyatidan kelib chiqib aniqlanadi.

14. Tuproqning agrokimyoviy tahlilini o‘tkazuvchi tashkilot rahbari bajariladigan ishlarni rejalashtirish, tashkil etish, ish sifati va shartnomaviy majburiyatlarga rioya qilish bo‘yicha shaxsan javobgar hisoblanadi.