Qishloq xo‘jaligida tuproqning agrokimyoviy tahlil tizimini takomillashtirish, ekin yerlarida tuproqning unumdorligini oshirish chora-tadbirlari to‘G‘risida

sug‘oriladigan qishloq xo‘jaligi yerlari — sug‘orma dehqonchilikda foydalaniladigan yerlar;

tuproq — suv, havo, organizmlar va inson faoliyatining birgalikdagi ta’sirida litosferaning yuza qatlamida yuzaga keladigan, genetik jihatdan bog‘liq qatlamlardan (tuproq profilini shakllantirishdan) iborat jonli va jonsiz tabiatga xos bir qator xususiyatlarga ega bo‘lgan maxsus tabiiy mahsulot;

tuproq tahlili — tuproq tarkibidagi gumus va ozuqa elementlari miqdorini aniqlashning kimyoviy usullari.

2. Tuproqning agrokimyoviy tahlili ma’lumotlari va shu asosda tuzilgan agrokimyoviy kartogrammalar sug‘oriladigan qishloq xo‘jaligi yer maydonlarida mineral va organik o‘g‘itlardan tuproqning gumus va ozuqa moddalari bilan ta’minlanganlik darajasini hisobga olib, tabaqalashtirgan holda foydalanish uchun asos bo‘ladi.

Sug‘oriladigan qishloq xo‘jaligi yerlarida tuproqning agrokimyoviy tahlili natijalaridan quyidagilarda foydalaniladi:

tavsiyalar va ilmiy asoslangan o‘g‘itlash tizimini ishlab chiqish;

ekologik toza qishloq xo‘jaligi mahsulotlarini yetishtirish va sug‘oriladigan qishloq xo‘jaligi yerlaridan samarali foydalanish;

yer fondidan joriy va ko‘p yillik foydalanishni rejalashtirish.

3. Tuproqning agrokimyoviy tahlili huquqiy holati tegishli hujjat (vakolatli organning qarori) asosida belgilangan yoki tumanning yer kadastri daftarida tegishli yozuv bilan qayd etilgan barcha sug‘oriladigan qishloq xo‘jaligi yer maydonlarida o‘tkaziladi.

Oldingi tahrirga qarang.

4. Sug‘oriladigan qishloq xo‘jaligi yerlarida tuproqning agrokimyoviy tahlilini o‘tkazishda ilmiy-uslubiy rahbarlik Tuproqshunoslik va agrokimyo ilmiy-tadqiqot instituti tomonidan amalga oshiriladi.

(4-band O‘zbekiston Respublikasi Vazirlar Mahkamasining 2021-yil 29-noyabrdagi 721-sonli qarori tahririda — Qonunchilik ma’lumotlari milliy bazasi, 30.11.2021-y., 09/21/721/1110-son)

5. Tuproqning agrokimyoviy tahlilini amalga oshirish tartibi ilovadagi sxemaga muvofiq olib boriladi.